ជីវិតកម្សាន្ដ

ផ្ទុះការសរសើរ លីវ ជីលី គ្រប់គ្នាជាមួយឈុតបែបប្រពៃណីលើកពីតម្លៃស្ត្រីខ្មែរ

បានផុស

២ years មុន

នៅ

ថ្ងៃសៅរ៍ ១៩ កុម្ភៈ ២០២២

ដោយ

ជាថ្មីម្តងទៀតទស្សនិកជន និងអ្នកគាំទ្របានពោលការសរសើរគ្រប់គ្នា ពេលឃើញសម្រស់បវរកញ្ញា Miss Grand Cambodia 2020 គឺកញ្ញា លីវ ជីលី។ អ្វីដែលកាន់តែពិសេសថែមទៀតនោះ នាងក៏បានបញ្ចេញសំណេររៀបរាប់ពីតម្លៃស្ត្រីខ្មែរ ដែលគួរតែមានទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញចំពោះការចាប់អារម្មណ៍នេះកើតឡើងស្របពេលដែលស្រីស្អាត លីវ ជីលី បានរំលេចខ្លួនក្នុងឈុតសម្លៀកបំពាក់បែបប្រពៃណីបុរាណខ្មែរយ៉ាងស្រស់ផូរផង់។ ខណៈកន្លងមកគេធ្លាប់តែឃើញនាងនិយមស្លៀកពាក់បែបសម័យប៉ុណ្ណោះ។

ជាក់ស្តែងបង្ហោះភ្ជាប់រូបភាពដ៏ស្រស់សោភាប្រមាណ ៣ សន្លឹកកញ្ញា លីវ ជីលី បានរៀបរាប់ថា«ស្ត្រីកូនខ្មែរស្តាប់ពុកស្តាប់ម៉ែយាយតាទូន្មាន ស្រដីស្រទន់ ល្វតល្វន់ចេះអៀន ចេះខ្លាចចេះហ៊ានត្រូវក្បួនតម្រា។ សុភាពរម្យទម ដឹងគួរសម ចរិតថ្លៃថ្លា ឫកពាមាយាទ«វរនាថដូចផ្កា» គួរឲ្យទស្សនាបុប្ផាកម្ពុជា។ សុភាវធម៌ សុជីវធម៌ សីលធម៌សោភា វប្បធម៌ឧត្តម នាងខំការពារ មិនឲ្យឃ្លាតឃ្លារក្សាខ្ជាប់ខ្លួន»។

តាមការកត់សម្គាល់ Miss Grand Cambodia 2020 កញ្ញា លីវ ជីលី កន្លងមកតែងទទួលបានការចាប់អារម្មណ៍ និងលើកសរសើរពីមហាជនទៅលើរូបសម្រស់ ដែលភាគច្រើនការស្លៀកពាក់របស់ ជីលី គឺមានភាពស្រស់ស្អាតនឹងទាក់ភ្នែកអ្នកគាំទ្រស្ទើរ គ្រប់គ្នាតែម្តង៕

អត្ថបទ៖ ចាន់រ៉ា