ព្រឹទ្ធាចារ្យល្បុក្កតោ សាន គីមស៊ាន ទទួលបានការឧបត្ថម្ភ៣០០០ដុល្លារសម្រាប់វះកាត់ព្យាបាលភ្នែក

បន្ទាប់ពីទទួលបានដំណឹងនៃការឈឺ និងជួបការខ្វះខាតសម្រាប់ការព្យាបាលជំងឺរបស់លោកគ្រូតា សាន គីមស៊ាន ដែលជាព្រឹទ្ធាចារ្យល្បុក្កតោខ្មែរ អ្នកនាង ស្រីអូន ថៅកែផលិតផលល្បីឈ្មោះបានសម្រេចឧបត្ថម្ភថវិកា៣០០០ដុល្លារសម្រាប់ការវះកាត់ព្យាបាលភ្នែកលោកគ្រូតា។

អ្នកនាង ស្រីអូន បញ្ជាក់ថា នាងខ្ញុំស្រីអូន និងស្វាមីបានឧបត្ថម្ភថវិការ៣០០០ដុល្លារសម្រាប់ការវះកាត់ភ្នែកជូនលោកគ្រូតា សាន គីមស៊ាន ដែលជាព្រឹទ្ធាចារ្យល្បុក្កតោ។ យើងខ្ញុំសូមចូលរួមលេីកស្ទួយដល់ក្បាច់គុនល្បុក្កតោខ្មែរហេីយក៏សូមចូលរួមអបអសាទរដែលល្បុក្កតោបានចូលសុីហ្គេម២០២៣ ក្នុងនាមប្រទេសកម្ពុជាក្លាយជាម្ចាស់ផ្ទះ។

អ្នកនាងអំពាវនាវថា សូមបងប្អូនខ្មែរចូលរួមរាប់ថយក្រោយទាំងអស់គ្នាដេីម្បីអបអរសាទរបេីរាប់ចាប់ពីថ្ងៃ២៤ ខែមេសាឆ្នាំ២០២២ គឺសល់តែ៣៧៥ថ្ងៃទៀតទេ ខ្មែរយេីងក្លាយជាម្ចាស់ផ្ទះការប្រកួតកីឡាសុីហ្គេមហេីយ។ គុនល្បុក្កតោក៏មានវត្តមានជាមួយការប្រកួតសុីហ្គេមដែរ។

អ្នកនាងបានបន្ថែមទៀតថា មរតកមនុស្សរស់យេីងត្រូវថែរក្សា អ្នកបន្តវេនយេីងត្រូវលេីកទឹកចិត្ត​ ព្រោះយេីងចង់ឃេីញវត្តមានអ្នកទាំងអស់គ្នា​ពេលដែលគុនល្បុក្កតោយេីងទទួលបានជោគជ័យលេីឆាកជាតិ និង​អន្តរជាតិ​ ។ តាមរយ:ទឹកចិត្តបានធ្វើឲ្យមហាជនសម្តែងការគាំទ្រ និងលើកសរសើរអ្នកនាង ស្រីអូន គ្រប់គ្នាចំពោះការចូលរួមលើកស្ទួយ និងថែរក្សាការពារវិស័យគុនល្បុក្កតោខ្មែរ៕

អត្ថបទ៖ ចាន់រ៉ា