ជីវិតកម្សាន្ដ

មកដឹងរង្វាន់អស្ចារ្យដែលបវរកញ្ញាពិភពលោកវៀតណាមទទួលបាន ក្រោយជាប់ជយលាភី

បានផុស

២ years មុន

នៅ

ថ្ងៃសៅរ៍ ១៣ សីហា ២០២២

ដោយ

កាលពីរាត្រីថ្ងៃទី ១២ ខែសីហា ឆ្នាំ២០២២ កម្មវិធីប្រកួតសម្រស់ និងសមត្ថភាព Miss World Vietnam 2022 បានរកឃើញម្ចាស់មកុដថ្មីរបស់ខ្លួន ដោយបានទៅលើបវរកញ្ញា Huynh Nguyen Mai Phuong ខណៈលំដាប់រងទី១គឺបវរកញ្ញា Bao Ngoc និងលំដាប់រងទី២ គឺបវរកញ្ញា Phuong Nhi។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយឈ្នះជយលាភីឯក Miss World Vietnam 2022 ក្រៅពីក្លាយជាម្ចាស់មកុដដ៏មានតម្លៃមហាសាលហើយ បវរកញ្ញាឯកថ្មីនឹងទទួលបានពានរង្វាន់ដ៏មានតម្លៃជាច្រើនផ្សេងទៀត សរុបទឹកប្រាក់រាប់សិបម៉ឺនដុល្លារឯណោះ។

នៅក្នុងសន្និសីទសារព័ត៌មាននាយប់ចុងក្រោយនៃការប្រឡងបវរកញ្ញាពិភពលោកវៀតណាម ប្រចាំឆ្នាំ២០២២ កាលពីថ្ងៃទី១២ ខែសីហា ស្ថាប័នបវរកញ្ញាវៀតណាម បានលាតត្រដាងអំពីពានរង្វាន់ដែលបវរកញ្ញាជំនាន់ថ្មីទទួលបាន ពេលគ្រប់គ្នាដឹងហើយពិតជាចំហធ្លុងតែម្ដង។

ចំពោះមកុដសម្រាប់តំណែងឯក ត្រូវបានស្ថាប័នឱ្យដឹងថា ច្នៃឡើងយ៉ាងប្រណីតពីវត្ថុធាតុផ្លាទីនពណ៌ប្រាក់ និងផ្លាទីនពណ៌ស បូករួមទាំងត្បូងពេជ្រដ៏មានតម្លៃជាច្រើនគ្រាប់ទៀត។ ជាពិសេសកញ្ញាថ្មីនឹងទទួលបានកៅអីឡើងកាន់តំណែង រួមជាមួយនឹងដំបង Miss World ដែលវាសុទ្ធសឹងច្នៃចេញពីវត្ថុធាតុថ្លៃៗទាំងអស់។ មិនត្រឹមតែប៉ុណ្ណោះ ម្ចាស់មកុដនៅទទួលបានទឹកប្រាក់សុទ្ធចំនួន ៣០០លានដុង (ប្រហែល ១ម៉ឺន ២ពាន់ដុល្លារ) ថែមទៀត។ ក្រៅពីនេះ Mai Phuong ដែលជាបវរកញ្ញាឯក ក៏មានឱកាសប្រើប្រាស់សេវាជាច្រើននៅក្នុងប្រទេសដោយឥតគិតថ្លៃរួមមាន សណ្ឋាគារ សម្លៀកបំពាក់ គ្រឿងអលង្ការ សេវាថែរក្សាសម្រស់ កិច្ចសន្យាផ្សាយពាណិជ្ជកម្មធំៗ និងតំណាងឱ្យម៉ាកយីហោល្បីៗទៀតផង។

ដោយឡែកចំពោះលំដាប់រងទី១ និងទី២ ក៏ទទួលបានការបំពាក់មកុដដ៏មានតម្លៃផងដែរ ហើយបវរកញ្ញាទាំងពីរក៏ទទួលបានប្រាក់សុទ្ធដោយលំដាប់រងទី១ នាង Bao Ngoc បានទទួលប្រាក់ ១៥០លានដុង (ប្រហែល ៦ពាន់ដុល្លារ) រីឯលំដាប់រងទី២ នាង Phuong Nhi ទទួលបានប្រាក់ ១០០លានដុង (ប្រហែល ៤ពាន់ដុល្លារ) ព្រមទាំងចុះកុងត្រាចូលរួមកម្មវិធីដើរបង្ហាញម៉ូដតំណាងឱ្យយីហោល្បីដូចគ្នា៕