មកុដថ្មី បវរកញ្ញាចក្រវាលថៃ ដាំពេជ្ររាប់ពាន់គ្រាប់ អត្ថន័យមិនធម្មតា

ស្របពេលដែលវេទិកាប្រកួតបវរកញ្ញា Miss Universe Thailand 2022 នឹងឈានដល់វគ្គផ្ដាច់ព្រ័ត្រនៅចុងខែនេះ កម្មវិធីបានបើកបង្ហាញមកុដថ្មីដែលត្រៀមបំពាក់ជូនចំពោះម្ចាស់តំណែងថ្មីរបស់ខ្លួន។

កាលពីថ្ងៃទី២២ ខែកក្កដា ឆ្នាំ ២០២២ កម្មវិធីប្រកួតបវកញ្ញាចក្រវាលថៃ បានឱ្យដឹងថា មកុដថ្មីរបស់ខ្លួនឈ្មោះ “Power Of Resilience” (អំណាចនៃភាពអត់ធ្មត់)។ មកុដនេះរចនាយ៉ាងប្រណីតដោយអ្នកមានជំនាញលំដាប់ពិភពលោក ជាមួយនឹងពេជ្រជាងមួយពាន់គ្រាប់ឯណោះ។

ចំពោះតួមកុដ “Power Of Resilience” មានលម្អដោយពេជ្រប្រណីតៗដូចជា Yellow Gold , Diamond, Peridot និង Topaz សរុបចំនួន ១៥៨៣ គ្រាប់ និងមានទម្ងន់ ២៦៤.២២ ការ៉ាត់។

ដោយឡែកអត្ថន័យនៃមកុដថ្មីនេះ ត្រូវបានកម្មវិធីទម្លាយដែរថា វាជានិមិត្តសញ្ញាពី​ចិត្ត​តស៊ូ និងភាពជឿជាក់ ដែលចង់លើកទឹកចិត្តឱ្យស្ត្រីស្គាល់​ខ្លួន​ឯង ​ហើយ​អង្រឹងអំណាច​របស់ខ្លួន។ ក្រៅពីនោះវាជានិមិត្តរូបនៃភាពបរិសុទ្ធ និងភាពស្មោះត្រង់ផងដែរ៕

ប្រែសម្រួល៖ សន្យា

ចុចអាន៖ បេក្ខភាពរូបនេះ ត្រូវមហាជនរំពឹងថា អាចឈ្នះមកុដបវរកញ្ញាចក្រវាលថៃ ឆ្នាំ២០២២