ជីវិតកម្សាន្ដ

មាស សុខសោភា បង្ហើបគន្លឹះ ៣ ទើបហៅថាជោគជ័យពិតប្រាកដ

បានផុស

៣ ខែ មុន

នៅ

ថ្ងៃសុក្រ ៩ កញ្ញា ២០២២

ដោយ

តារាចម្រៀងអ្នកនាង មាស សុខសោភា ថ្វីត្បិតតែបច្ចុប្បន្ននាងចាក់ចេញពីទ្រនំចាស់ហក់ចូលផលិតកម្មថ្មី(រាម)មានរយៈពេលជិតឆ្នាំហើយពិតមែន តែសម្រាប់ទីផ្សារគាំទ្រ និងកេរ្តិ៍ឈ្មោះល្បីរបស់នាងនៅតែដក់ជាប់ក្នុងអារម្មណ៍ទស្សនិកជនមិនអន់ថយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរក្សាបានប្រជាប្រិយភាព និងការគាំទ្រពីសំណាក់តារាចម្រៀងសំឡេងមនោសញ្ចេតនាអ្នកនាង មាស សុខសោភា នៅលើទីផ្សាសិល្បៈសព្វថ្ងៃនេះ ត្រូវបានអ្នកតាមដានវិស័យសិល្បៈខ្មែរវិភាគឃើញថា ដោយសារតារាស្រីរូបនេះ គឺមានឥទ្ធិពលសំឡេងអំណោយផលពីធម្មជាតិដែលធ្វើឲ្យអ្នកគាំទ្ រនិងមិត្តៗយុវវ័យស្តាប់មិនចេះជិនណាយពិសេសបូករួមនឹងលក្ខណៈសម្បត្តិអត្តចរិតរួសរាយរាក់ទាក់ ដែលមើលឃើញពីការផ្តល់តម្លៃចំពោះអ្នកគាំទ្រ។

កត្តាទាំងនេះហើយទើបធ្វើឲ្យ មាស សុខសោភា អាចឈរជើងលំដាប់តារាកំពូលប្រចាំប្រទេស ហើយនេះក៏ជាជោគជ័យធំធេងសម្រាប់នាងលើវិស័យសិល្បៈផងដែរ។ ទោះបីជាយ៉ាងណាក្តី សម្រាប់សាមីខ្លួនអ្នកនាង មាស សុខសោភា ក៏បានប្រកាសគន្លឹះ ៣ ចំណុចដែលចាត់ទុកថា ជាជោគជ័យលើវិថីជីវិត។

ចំណុច ៣ ដែល មាស សុខសោភា យល់ថាជាភាពជោគជ័យនោះត្ រូវបាននាងបង្ហើបយ៉ាងខ្លីថា ទី១.ជំនួញជោគជ័យ,២ .សុខភាពជោគជ័យ និង៣.សុភមង្គលក្នុងគ្រួសារជោគជ័យ នោះទើបហៅថាជោគជ័យពិតប្រាកដ។ ការលើកឡើងរបស់ មាស សុខសោភា នូវគន្លឹះជោគជ័យ ៣ ចំណុចនេះកាន់តែធ្វើឲ្យមានការគាំទ្រខ្លាំងថែមទៀត។

គេកត់សម្គាល់ថា តារាចម្រៀងអ្នកនាង មាស សុខសោភា ថ្វីត្បិតតែនាងបានសម្រេចចិត្តរើបង្វិចចាក់ ចេញពីទ្រនំផលិតកម្មថោនអស់មួយសន្ទុះហើយក៏ពិតមែន ប៉ុន្តែសម្រាប់ទីផ្សារសិល្បៈទាំងការគាំទ្រ និងប្រជាប្រិយភាពគឺតារាស្រីរូបនេះនៅតែរក្សាបានសន្ទុះខ្លាំង។ ម្យ៉ាងទៀត មាស សុខសោភា កន្លងមកក៏តែងទទួលបានការលើកសរសើរចំពោះទឹកចិត្តសប្បុរសធម៌ និងភាពរួសរាយរាក់ទាក់ផងដែរ៕

អត្ថបទ៖ ចាន់រ៉ា