អ្នកគាំទ្ររំភើបចិត្តខ្លាំង ក្រោយឃើញ Yaya ថតរូបជាមួយតួស្រីក្នុងរឿង “Squid Game”

Yaya Urassaya បានបង្ហោះរូបថតជាមួយកំពូលតារាកូរ៉េ Jung Ho Yeon ដែលជាតួសម្ដែងមួយរូបក្នុងរឿង “Squid Game” ដ៏ល្បីល្បាញ ខណៈហ្វេនៗ​របស់​អ្នកទាំងពីរ ​មាន​ការ​រំភើប​ចិត្ត​ជា​ខ្លាំង។

តាមរយៈការបង្ហោះនេះតារាសម្ដែងស្រី Yaya បាន​សរសេរ​ខេបសិនយ៉ាងពិសេសថា “ហេតុអ្វីក៏គួរឲ្យស្រលាញ់​ម្លេះ #LVSS23” បន្ទាប់ពី​អ្នកទាំងពីរបានជួបគ្នាក្នុងកម្មវិធី Paris Fashion Week នៃ​ម៉ាក់​ហោល្បី Louis Vuitton។ ភ្លាមៗ​នោះ ​ក៏​មាន​​​មហាជន​ជា​ច្រើន​ដែល​ជា​អ្នកគាំទ្រ បានចូលទៅបញ្ចេញមតិ រួម​ជាមួយ​នឹង​ការ​ផ្ញើ emojis បេះដូង​ពេញចិត្ត​នៅរូបថតទាំង​នេះជា​ខ្លាំង។

គួរ​បញ្ជាក់​ថា Jung Ho Yeon ជាតារាសម្តែង និង​ជាតារាបង្ហាញម៉ូដតាំងពី​ឆ្នាំ២០១៧ បន្ទាប់ពី​បង្ហាញ​មុខ​លើ​ឆាក​អន្តរជាតិ​ជាមួយយីហោ Louis Vuitton អស់រយៈពេលមួយឆ្នាំ នាងមានការងារបង្ហាញម៉ូដ​ជាច្រើន ដែលនាំឲ្យ model.com ប្រកាសឈ្មោះរបស់នាង ​ដោយ​តែងតាំង​សម្រាប់ Hot New Model and Model of the Year Award ស្ថិតក្នុងវ័យ ២៣ឆ្នាំ ។ នាង​ក៏​ជាតារា​ម៉ូដែលលេខ ១ ក្នុងប្រទេសកូរ៉េ​ ដែលធានាដោយការ​សម្តែងរបស់នាង​នៅ​ក្នុង​កម្មវិធី​ជាងមួយរយ ហើយបានបង្ហាញខ្លួននៅលើក្របទស្សនាវដ្តី Korean Vogue Vogue Beauty របស់​ប្រទេសជប៉ុន រួមទាំងគម្របទស្សនាវដ្តី Vogue Thailand ខែធ្នូ ឆ្នាំ ២០១៨ ផងដែរ។ ដូច្នេះមិន​ចម្លែកទេ ​ដែល​ហ្វេនៗទូទាំង​ប្រទេស ​ក្រោយ​ឃើញ​រូបភាព​ YaYa និង Jung Ho Yeon ថតជាមួយគ្នា ហើយក៏​រំភើប​ចិត្ត​ជា​ខ្លាំង​ និង​សប្បាយចិត្ត​គ្រប់គ្នា​៕

ប្រែសម្រួល៖ សាង ស្រីល័ក្ខ

ចុចអាន៖ស្ទាយផាត់មុខថ្មីរបស់ Yaya កំពុងទាក់ចិត្តអ្នកគាំទ្រគ្រប់ស្រទាប់

ចុចអាន៖គូស្នេហ៍ Nadech-YaYa ណាត់គ្នាញ៉ាំអាហារពេលល្ងាច ត្រូវមិត្តជិតស្និទ្ធលួចច្រណែន