ជីវិតកម្សាន្ដ

G-Dragon ត្រូវគេដាក់ការសង្ស័យថា លួចទាក់ទង Jung Ho Yeon ក្រោយនាងបែកគ្នាជាមួយមិត្តប្រុស

បានផុស

៨ ខែ មុន

នៅ

ថ្ងៃពុធ ២៧ វិច្ឆិកា ២០២៤

ដោយ

បន្ទាប់ពីសេបគប់អស់រយៈពេល៩ឆ្នាំ នៅទីបំផុតគូស្នេហ៍តារាសម្ដែងកូរ៉េទាំងពីរបានលាតត្រដាងពីទំនាក់ទំនងរបស់ពួកគេក្នុងឆ្នាំ២០១៦ ហើយបានពិភាក្សាគ្នាយ៉ាងបើកចំហក្នុងអំឡុងពេលផ្សព្វផ្សាយរបស់ពួកគេ។ ទោះបីជារបាយការណ៍ដំបូងមិនបានលើកឡើងពីហេតុផលជាក់លាក់មួយក៏ដោយ ក៏ភ្នាក់ងាររបស់ Jung Ho Yeon ក្រោយមកបានបញ្ជាក់ ថាពួកគេពិតជាបានបែកបាក់គ្នាមែន ហើយបានសម្រេចចិត្តត្រលប់ទៅជាមិត្តរួមការងារដ៏ល្អវិញ។

យ៉ាងណាក៏ដោយ បន្ទាប់ពីការប្រកាសពីភាពប្រេះឆា សកម្មភាពប្រព័ន្ធផ្សព្វផ្សាយសង្គមរបស់ G-Dragon ដែលមានការចូលរួមពីតារាស្រីរូបនេះ ទទួលបានការចាប់អារម្មណ៍យ៉ាងភ្លូកទឹកភ្លូកដី។

យោងតាមអត្ថបទមួយរបស់ 10Asia តារាប្រុសប្រចាំក្រុម BigBang ត្រូវគេរកឃើញថាបានចូលចិត្តការបង្ហោះដែលធ្វើឡើងដោយតារាស្រី Jung Ho Yeon ។ ក្នុងនោះ វាត្រូវបានចង្អុលបង្ហាញថា លោកចូលចិត្តការបង្ហោះពីរផ្សេងគ្នាដែលធ្វើឡើងដោយតារាសម្តែងកាលពីថ្ងៃទី ២៥ ខែវិច្ឆិកា ហើយមិនចូលចិត្តការបង្ហោះពីមុននោះទេ។

G-Dragon ក៏មិនតាមដាន Jung Ho Yeon នៅលើ Instagram ដែរ ហើយផ្ទុយមកវិញលោកបែរជាចូលទៅចុចគាំទ្រនាងស្របពេលដែលនាងទើបបែកបាក់ស្នេហាជាមួយតារាប្រុស Lee Dong Hwi ។អត្ថបទដដែលនោះ ហាក់ដូចជានិយាយបញ្ឆិតបញ្ឆៀងថា G-Dragon បានដឹងពីការបែកគ្នា ឬកំពុងធ្វើចលនាអ្វីមួយឲ្យអ្នកគាំទ្របានដឹងយ៉ាងដូច្នោះដែរ។

យ៉ាងណាមិញ អ្នកលេងអ៊ីនធឺណិតបានរិះគន់អត្ថបទនោះថាគួរឲ្យអស់សំណើច ដោយចង្អុលបង្ហាញថា G-Dragon និង Jung Ho Yeon អ្នកទាំងពីរមានវត្តមានក្នុងកម្មវិធី MAMA Awards ឆ្នាំ ២០២៤។ ទម្លាប់របស់ G-Dragon ក្នុងការចូលចិត្តមាតិកាច្រើននៅលើ Instagram ក៏ត្រូវបានលើកឡើងផងដែរ។ ដូច្នេះវាមិនមែនជារឿងចម្លែកទេដែលតារាចម្រៀងប្រុសចូលចិត្តទៅកាន់រូបនាងនោះ៕