ហ្វេនពេញចិត្តស្ដូក ក្រោយទទួលដំណឹង បវរកញ្ញា Engfa នឹងរួមការងារជាមួយ Jackson

រាជិនីសម្រស់របស់ថៃ អ៊ីងហ្វា វ៉ារ៉ាហា (Engfa Waraha) ដែលទើបជាប់ជយលាភីលំដាប់រងទី១ នៅក្នុងកម្មវិធី Miss Grand International 2022 បានប្រកាសជាផ្លូវការថា ខ្លួននឹងរួមការងារជាមួយតារាប្រុសល្បីឈ្មោះ លោក Jackson Wang។

ថ្មីៗ​នេះ បវរកញ្ញា អ៊ីងហ្វា ម្ចាស់មកុដ Miss Grand Thailand ឆ្នាំ២០២២ បានបង្ហោះសារនៅលើបណ្ដាញសង្គម IG ផ្ទាល់ខ្លួនថា នាង និងតារាចម្រៀងហុងកុងលោក Jackson Wang នឹងធ្វើការួមគ្នានៅលើគម្រោងមួយ។ យ៉ាងណាមិញ ការសហការនោះគឺជាអ្វីឱ្យប្រាកដ បវរកញ្ញារូបនេះ នៅមិនទាន់ទម្លាយប្រាប់ទស្សនិកជនឱ្យច្បាស់នោះទេ។

ទោះមិនទាន់ច្បាស់ពីគម្រោងក្ដី ប៉ុន្តែបន្ទាប់ពីសារនេះត្រូវបានចែករំលែក ​អ្នក​គាំទ្របវរកញ្ញា អ៊ីងហ្វា ហាក់រំភើប​ចិត្ត​ជា​ខ្លាំង និងទន្ទឹងរង់ចាំមើលការសហការការងាររវាង idol ទាំងពីរឆាប់ៗ៕

ប្រែសម្រួល៖ សន្យា

ចុចអាន៖ ស្ដាប់បទនេះ​ហើយ ទើបដឹងថា Engfa ចេះច្រៀងពីរោះប៉ុនណា (មានវីដេអូ)

ចុចអាន៖ ហ្វេនដាក់ការសង្ស័យ វណ្ណដា និង បវរកញ្ញា ពេជ្រ វត្តី សារ៉ាវឌ្ឍី អាចនឹងសហការគ្នានៅ ថៃ