ជីវិតកម្សាន្ដ

ហ្វេនដាក់ការសង្ស័យ វណ្ណដា និង បវរកញ្ញា ពេជ្រ វត្តី សារ៉ាវឌ្ឍី អាចនឹងសហការគ្នានៅ ថៃ

បានផុស

៣ years មុន

នៅ

ថ្ងៃសុក្រ ៤ វិច្ឆិកា ២០២២

ដោយ

ក្រោយស្ថាបនិក MGI បង្ហោះស្ទូរីក្នុងអ៊ិនស្តាក្រាមពីបទចម្រៀង “នារីជឿនលឿន” ពេលនេះ អ្នកគាំទ្រជាច្រើនសង្ស័យថា វណ្ណដា និងកញ្ញា ពេជ្រ វត្តីសារ៉ាវឌ្ឍី អាចនឹងសហការជាមួយគ្នាឆាប់ៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ វាបានក្លាយជានិន្នាការលើបណ្ដាញអ៊ីនធឺណិតជាអន្តរជាតិ បន្ទាប់ពីមានគណនីមួយឈ្មោះថា Queen Of Grand របស់ប្រទេសថៃ បានបង្ហោះរូបតារារ៉េប វណ្ណដា និងបវរកញ្ញា ពេជ្រ វត្តីសារ៉ាវឌ្ឍី ព្រមជាមួយនឹងសំណេរថា “ពេលនេះកំពុងត្រូវបានគេជជែកព្រោងព្រាត បន្ទាប់ពីមេ MGI បង្ហោះស្ទូរីក្នុង IG ពាក់ព័ន្ធនឹងតារារ៉េបវណ្ណដា។ អាចថាឥឡូវនេះ ឬឆាប់ៗនេះ នឹងមានគម្រោងរវាង VANNDA និង MGI ខណៈលោកជាតារាចម្រៀងដ៏ល្បីមួយរូប មកពីប្រទេសកម្ពុជា។”

បន្ថែមពីនេះ ហ្វេនជាច្រើនជាពិសេសហ្វេនកម្ពុជា បានចូលទៅបញ្ចេញមតិគាំទ្រ និងប្រាប់ថា តារាពីរដួងនេះមកពីខេត្តព្រះសីហនុដូចគ្នា ហើយក៏កំពុងតែទទួលបានភាពល្បីល្បាញក្នុងប្រទេសកម្ពុជានិងថៃ។ ប្រសិនបើលោក Nawat Itsaragrisil ដែលជាប្រធាន Miss Grand International ពិតជាឲ្យតារាពីររូបនេះមានការងារជាមួយគ្នាពិតមែននេះជារឿងល្អបំផុតហើយ។

ទោះយ៉ាងណា មហាជនទាំងកម្ពុជានិងថៃ មានតែរង់ចាំមើលបន្តទៀតថា តើស្ថាបនិកកម្មវិធីប្រលងសម្រស់ Miss Grand International នឹងអញ្ជើញ តារារ៉េបណ្ណដាទៅច្រៀងក្នុងកម្មវិធី MGI លើកក្រោយ ឬគម្រោងណាមួយលេចឡើងនាថ្ងៃខាងមុខ៕

អត្ថបទ៖ សាង ស្រីល័ក្ខ

ចុចអាន៖វណ្ណដា ជះឥទ្ធិពលលើស្ថាបនិក MGI ក្រោយលោកបង្ហោះបទ “នារីជឿនលឿន” ក្នុង Story IG (មានវីដេអូ)

ចុចអាន៖ត្រឹមប៉ុន្មានម៉ោងប៉ុណ្ណោះ សំបុត្រ ៩ ម៉ឺនសន្លឹកនៃការប្រគំតន្ត្រីដ៏ធំរបស់ វណ្ណដា នៅថៃ លក់ដាច់គ្មានសល់