ជីវិតកម្សាន្ដ

ការប្រគំតន្ត្រី Engfa ម្ដងនេះ អ្នកគាំទ្រជូនអំណោយសុទ្ធតែជាដុំមាស

បានផុស

៣ years មុន

នៅ

ថ្ងៃចន្ទ ២១ សីហា ២០២៣

ដោយ

អតីតបវរកញ្ញា Engfa Waraha ក្រោយទទួលបានជយលាភី Miss Grand Thailand 2022 ប្រជាប្រិយភាពរបស់នាងកាន់តែល្បីល្បាញខ្លាំងឡើង ខណៈដែលក្លឹបអ្នកគាំទ្របានបង្កើតការភ្ញាក់ផ្ញើលមួយជូនជាអំណោយមាសទាំងដុំៗដល់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លឹបអ្នកគាំទ្ររបស់រាជិនីសម្រស់រូបនេះ បានចំណាយលុយយ៉ាងច្រើនរៀបចំឲ្យមានការភ្ញាក់ផ្អើលក្នុងការប្រគំតន្ត្រីរបស់នាង និងដើម្បីអបអរការជោគជ័យរបស់ Engfa Waraha ដោយប្រគល់ដុំមាស និងប្រាក់រាប់លានដល់នាង។

តាមរយៈ ផេកហ្វេសបុករបស់លោក Nawat Issarakraisil បានថតឃ្លិបពីបរិយាកាសក្នុងសាល មុនពេលចាប់ផ្តើមការប្រគំតន្ត្រីរបស់នាង។ ក្នុងនោះអ្នកគាំទ្រ Engfa បាននាំយកអំណោយ រួមមាន ផ្កា តុក្កតា ព្រមទាំងដុំមាស និងសាច់ប្រាក់ រាងជារាងផ្សេងៗគ្នាយ៉ាងអធិកអធម។

ជាមួយគ្នានេះដែរ លោក Nawat Issarakraisil បានបង្ហោះសារមួយថា “Fans ចំណាយច្រើន។ សាច់ប្រាក់ជាង ៣លានបាត ជូន Engfa ក្នុងកម្មវិធី The Grand Concert Ing Fah Public 2″។

បន្ថែមពីលើនេះ ទំព័រហ្វេសប៊ុកផ្លូវការរបស់ Engfa បានសរសេររៀបរាប់ដែរថា ដុំមាស១០បាត ទឹកប្រាក់ចំនួន ៣២៦,៣០៣,១៥បាត, ប្រាសាទប្រាក់ ចំនួន ១,០០០,០០០បាត, សរុប ១,៣២៦,៣០៣លានបាត(៣៧,៧០០ដុល្លារ)។ សូមថ្លែងអំណរគុណចំពោះអ្នកគាំទ្រទាំងអស់ដែលជូនអំណោយដុំមាស និងប្រាសាទប្រាក់ P’Fah ។ រាល់ការជូនគឺមានតម្លៃណាស់!អរគុណអ្នកទាំងអស់គ្នាដែលតែងតែគាំទ្រ Engfa ។

យ៉ាងណាមិញ ក្រៅពីប្រាសាទមាស និងប្រាក់ ក៏មានជញ្ជាំងប្រាក់ ស្លាបប្រាក់ និងប្រាក់ដែលបង្កើតជារូបតុក្កតាផ្សេងៗ ដែលមានតម្លៃជាង ៣លានបាតបន្ថែមទៀតដល់បវរកញ្ញា Engfa Waraha ជាការលើកទឹកចិត្តដល់នាងក្នុងព្រឹត្តិការណ៍មួយនេះ៕