ធ្លាយចចាមអារ៉ាមថាបវរកញ្ញា Engfa និង Charlotte ឈ្លោះគ្នាបែកផ្សែង

បន្ទាប់ពីពិភពអនឡាញបានកត់សម្គាល់ឃើញថា Engfa Waraha ម្ចាស់ជ័យលាភីលេខ១ Miss Grand International 2022 និង Charlotte Austin ចំណាត់ថ្នាក់លេខ៥ Miss Grand Thailand 2022 ហាក់មិនស្និទ្ធស្នាលដូចមុនឡើយ រហូត​មាន​មនុស្ស​ជា​ច្រើន​សង្ស័យ​ថា អ្នកទាំងពីរអាចមានជម្លោះឈ្លោះគ្នាបែកផ្សែងដូចពាក្យចាចាមអារ៉ាម។

ក្រោយមក Engfa ស្រាប់តែចេញមុខបកស្រាយជុំវិញបញ្ហា​នូវសំណួរសួរថា ឈ្លោះគ្នាទេ? នាងបានតបតវិញថា “វាមិនមែនជាការឈ្លោះប្រកែកគ្នាទេ! យើង​គ្រាន់​តែ​មិន​បាន​និយាយ​ដោយ​ចំហ​អំពី​អ្វី​ដែល​បាន​កើត​ឡើង។ បើ​នាង​មិន​និយាយ ខ្ញុំ​ក៏​មិន​និយាយ​ដែរ! យើងមិនដឹងថាអ្វីជាបញ្ហាចម្បងនោះទេ។ មុន​មក​ធ្វើ​ការ​ថ្ងៃ​នេះ យើង​បាន​និយាយ​រួច​ហើយ ហើយ​ទីបំផុត​រក​ឃើញ​ចំណុច​កណ្តាល តើយើងគួរធ្វើការ ឬរស់នៅជាមួយគ្នាដោយរបៀបណា”?

ទោះបីជាយ៉ាងណា មហាជននៅតែមានចំងល់ជាខ្លាំងពាក់ព័ន្ធនឹងចំណងមិត្តភាពរបស់អ្នកទាំងពីរក​ន្លងមកធ្លាប់តែស្និតស្នាលនឹងគ្នាលើសពីបងប្អូន។ ប៉ុន្តែមួយរយៈក្រោយមកនេះ នាងស្រាប់តែស្ងប់ស្ងាត់មិនសូវ​បង្ហាញមុខជាមួយគ្នាដែលអាចជាការឈ្លោះប្រកែកគ្នាពិតមែន ខណៈដែលលោក Nawat ស្ថាបនិក Miss Grand Thailand ក៏បង្ហោះសារប្លែកទម្លាយតារាស្រីដែលលោកខំជួយតែបែរមានអំនួតពេលបានល្បីល្បាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ​ ម្ចាស់ជយលាភីលេខ១ Miss Grand Thailand 2022 នៅតែឆ្លើយតបដដែលៗពាក់ព័ន្ធនឹងសំណួរសួរថា នាងនិងមិត្តរួមអាជីព Charlotte Austin ពិតជាមានជម្លោះនឹងគ្នាពិត? បវរកញ្ញារូបនេះបានឆ្លើយបវិញថា រឿងជម្លោះនាងសុំមិននិយាយអ្វីទាំងអស់។​ តែបើរឿងការងារ​​ នាងនៅតែធ្វើនិងរវល់ដូចពីមុនដដែលទេ។

គួរបញ្ចាក់ដែរថា Engfa Waraha បានសម្រេចចាប់ដៃគូទាំងអាជីពនិងជំនួញជាមួយ Charlotte Austin ហើយក្លាយជាអ្នកកាន់កាប់ភាគហ៊ុនក្នុងកម្មវិធី Miss Grand ស្របពេលដែលអ្នកទាំងពីរក៏ជារាជិនីសម្រស់ដំបូងគេរបស់ប្រទេសថៃស្ថិតនៅក្នុង TOP10 ផងដែរ។ ចំណែកឯរឿងរ៉ាវនៃការឈ្លោះទាស់ទែងគ្នារវាងគូនេះ ទស្សនិកជនមានតែរង់ចាំទៅថ្ងៃខាងមុខថា តើជាការពិតដូចពាក្យចាចាមអារ៉ាមដែរឬទេ?

អត្ថបទ៖ សាង ស្រីល័ក្ខ

ចុចអាន៖ផលិតកម្ម SM បន្តប្តឹងសមាជិក EXO ៣ រូប ទាមទារឲ្យបង់ប្រាក់តាមកាលកំណត់