ព័ត៌មានអន្ដរជាតិ

លោក ភីថា និងតារាកូរ៉េ Jackson Wang ត្រូវប្រជាជនថៃចាត់ទុកជាផ្កាយសំណាងរឿងលេខឆ្នោត

បានផុស

៣ years មុន

នៅ

ថ្ងៃចន្ទ ៣១ កក្កដា ២០២៣

ដោយ

ប្រជាជនក្នុងប្រទេសថៃរាប់ពាន់នាក់បានសម្រុកទៅទិញលេខឆ្នោតចាក់យ៉ាងភ្ល្លូកទឹកភ្លូកដី បន្ទាប់ពីយកតាមស្លាកលេខរថយន្តរបស់មេដឹកនាំគណបក្សចលនាឆ្ពោះទៅមុខលោក ភីថា លីមចារើនរ៉ាត់ និងលេខអាវរបស់តារា K -pop លោក Jackson Wang។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៩ ខែកក្កដា ឆ្នាំ ២០២៣ លោកភីថា និងលោក Prit Watcharasinthu សមាជិកសភាក្នុងបញ្ជីគណបក្សនៃគណបក្សចលនាឆ្ពោះទៅមុខ បានធ្វើដំណើរទៅកាន់ខេត្ត Chainat ដើម្បីចូលរួមក្នុងព្រឹត្តិការណ៍សិក្ខាសាលាស្តីពីស្រា ក្នុងគោលបំណងផ្លាស់ប្ដូរចំណេះដឹងអំពីសេរីភាពនៃគ្រឿងស្រវឹង ដោយយកផលិតផលដែលជាស្រាក្នុងស្រុកល្បីឈ្មោះរបស់ខេត្ត ChaiNat ជាអ័ក្សនៃកិច្ចពិភាក្សា។

ជាមួយគ្នានោះដែរ លោកបានជួបក្រុមអ្នកផលិតស្រា និងប្រជាជនដែលមានមុខរបរផ្សេងៗគ្នា។ ស្ដាប់បញ្ហាដើម្បីបង្ហាញដល់គណបក្ស ព្រមទាំងជួយរកមធ្យោបាយដោះស្រាយបញ្ហារយៈពេលវែងនៅកម្រិតគោលនយោបាយ។ នៅក្នុងព្រឹត្តិការណ៍នោះ មានសកម្មភាពជាច្រើនរួមទាំងស្តង់ផលិតស្រាបៀរ។ វេទិកាពិភាក្សាលើប្រធានបទរង្វង់ស្រា ពីទីក្រុង Chai Nat និងកសិកម្មរីកចម្រើនជាដើម។

បន្ទាប់ពីបញ្ចប់កិច្ចពិភាក្សាក្រោមប្រធានបទ Sura Meerai លោក ភីថា បានធ្វើដំណើរត្រឡប់ចូលក្នុងរថយន្តម៉ាក Toyota ពណ៌សដែលមានស្លាកលេខបាងកក ៩៧៤៣ ធ្វើដំណើរត្រឡប់ទៅវិញ។ មុននឹងឡើងរថយន្ត លោកបានគ្រវីដៃស្វាគមន៍ប្រជាពលរដ្ឋដោយទឹកមុខស្រស់ស្រាយ។ ប៉ុន្តែអ្វីដែលជាគួរចាប់អារម្មណ៍នោះគឺ លេខចុះបញ្ជីរថយន្តចុងក្រោយរបស់លោកត្រូវមហាជនកត់ចំណាំហើយសម្រុកយកទៅទិញឆ្នោតព្រោងព្រាត។

ដោយឡែក អ្នកលក់ឆ្នោតម្នាក់ឈ្មោះ Wandee Khaosanit បានបង្ហើបថា នៅតំបន់នោះមាននិន្នាការនៃលេខលេចធ្លោខ្លាំងនោះគឺលេខល្បីរបស់លោក Pita Limcharoenrat និងក្រោយមកគឺលេខអាវ៨៥២របស់តារាចម្រៀងកូរ៉េខាងត្បូង Jackson Wang ដែលពាក់ពេលលេងបាល់ទាត់ជាមួយតារាប្រុសៗក្នុងប្រទេសថៃផងដែរ។

លើសពីនេះទៀត ប្រជាជនថៃជាច្រើនរយនាក់បានសរសេរលើបណ្ដាញអ៉ិនធើណេតដោយថា លោក ភីថា លីមចារើនរ៉ាត់ និងតារាប្រុសមានដើមកំណើតចិន-ហុងកុង លោក Jackson Wang គឺជាផ្កាយនាំសំណាងដល់ពួកគេ ក្នុងឱកាសក្លាយជាអ្នកមាន ខណៈឆ្នោតនឹងប្រកាសនាថ្ងៃ៣១ ខែកក្កដា នេះតែម្ដង៕