ជីវិតកម្សាន្ដ

Aum ទម្លាយអារម្មណ៍ពិត ក្រោយចូលប៉ុស្តិ៍លេខ ៧ អស់ពេល ២៥ ឆ្នាំ

បានផុស

២ ខែ មុន

នៅ

ថ្ងៃអាទិត្យ ២៧ វិច្ឆិកា ២០២២

ដោយ

Aum Patchrapa បានចូលប្រឡូកក្នុងវិស័យសិល្បៈអស់ជាច្រើនទសវត្សរ៍មកហើយ។ ប៉ុន្តែនិន្នាការរបស់កំពូលតារាស្រីរូបនេះ នៅតែខ្លាំងមិនចាញ់ក្មេងស្រករក្រោយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ នៅក្នុងយុគសម័យផ្លាស់ប្តូរតារាជាច្រើនបានហោះហើរដោយសេរី ដោយហក់ចូលធ្វើការគ្រប់ប៉ុស្តិ៍ គ្រប់ជំរុំ ប៉ុន្តែតារាស្រី Aum នៅតែរក្សាជំហរមួយជាមួយប៉ុស្តិ៍លេខ ៧ មិនទៅណា ខណៈកាលពីពេលថ្មីៗនេះ នាងបានបង្ហោះរូបភាពមិត្តសម្លាញ់ Yui Nattaporn ដែលជាមិត្តក្បែរខ្លួនរបស់ Aum និងប៉ុស្តិ៍លេខ ៧ អស់រយៈពេល ២៥ ឆ្នាំ ជាមួយនឹងខេបសិនបញ្ជាក់ថា “អបអរសាទរអ្នកមីង អ្នកនៅប៉ុស្តិ៍លេខ៧ រយៈពេល២៥ឆ្នាំហើយ អ្នកនៅទីនេះយូរហើយ មិនទាន់ត្រូវបណ្តេញចេញទេហាហា សូមពិចារណាផ្តល់រង្វាន់ដល់មីង និង Aum ពីប៉ុស្តិ៍លេខ ៧ក្នុងពេលដែលពួកយើងនៅបានយូរជាងគេ”។

សូមជម្រាបថា Aum Patcharapa ចូលប្រឡូកក្នុងវិស័យសិល្បៈតាំងពីឆ្នាំ ១៩៩៧ ដោយចាប់ផ្ដើមពីការប្រលង Miss Hack ឆ្នាំ ១៩៩៧ និងទទួលបានជ័យលាភីលេខ ១ ។ Aum បានសិក្សាសម្តែងជាមួយ Toy Chatchai Kaewsawang ហើយក្រោយមកបានជួបលោក Kaew Premier ដែលបានណែនាំ Aum ក្លាយជាតារាសម្តែងនៅប៉ុស្តិ៍លេខ ៧ ដោយធ្វើការណាត់ជួបនៅប៉ុស្តិ៍ដើម្បីនាំ Aum មកថត ហើយបានផ្ញើទៅលោក ឃុន ដាង ស៊ូរ៉ាង ព្រីម ដើម្បីពិនិត្យមើល ដែលធ្វើឲ្យ Aum ចុះហត្ថលេខាលើកិច្ចសន្យាធ្វើជាតារាសម្ដែងនៅក្រោមប៉ុស្ដិ៍លេខ៧ រហូតមកដល់បច្ចុប្បន្ន៕