ជីវិតកម្សាន្ដ

ហង្ស ម៉ានីតា តំណាងឲ្យកម្ពុជាត្រៀមចេញទៅប្រកួតនៅសហរដ្ឋអាមេរិកចុងខែនេះ

បានផុស

៣ years មុន

នៅ

ថ្ងៃអង្គារ ១៣ ធ្នូ ២០២២

ដោយ

ខណៈពេលជិតដល់ថ្ងៃចេញទៅប្រកួតលើឆាកអន្តរជាតិបវរកញ្ញា ហង្ស ម៉ានីតា ដែលជាម្ចាស់មកុដ Miss Universe Cambodia 2022 បច្ចុប្បន្នកំពុងហ្វឹកហាត់ពង្រឹងសមត្ថភាពដើម្បីត្រៀមខ្លួនតំណាងកម្ពុជាចូលរួមប្រកួតលើឆាកអន្តរជាតិ Miss Universe 2022 លើកទី ៧១ នៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅលើផេកផ្លូវការរបស់Miss Univers e Cambodia ថ្មីៗនេះបានបង្ហោះការជូនដំណឹងដល់អ្នកគាំទ្រ និងអ្នកនិយមតាមដានវិស័យបវរកញ្ញានៅកម្ពុជាថា បវរកញ្ញា ហង្ស ម៉ានីតា នឹងធ្វើដំណើរហោះទៅសហរដ្ឋអាមេរិកដើម្បីចូលរួមប្រកួត Miss Universe 2022 នៅថ្ងៃទី ២៧ ខែធ្នូ ឆ្នាំ ២០២២ ខាងមុខនេះហើយ។

ប្រភពបានបន្តថា ការប្រកួត Miss Universe 2022 លើកទី ៧១ នេះ នឹងរៀបចំធ្វើឡើងនៅ New Orl eans រដ្ឋ Louisiana សហរដ្ឋអាមេរិក នាថ្ងៃទី ១៤ ខែមករា ឆ្នាំ ២០២៣។ ចំណែកនៅលើទំព័រហ្វេសប៊ុក លោក ម៉ែន និមលរតន៍ ដែលជាស្ថាបនិកក្នុងការដឹកនាំក្រុមម៉ូឌែលទៅប្រកួតលើឆាកអន្តរជាតិបានឲ្យដឹងដែរថា កញ្ញា ហង្ស ម៉ានីតា Miss Universe Cambodia 2022 នឹងធ្វើការហោះហើរចាក ចេញពីប្រទេសកម្ពុជាដើម្បីចូលរួមប្រកួតក្នុងកម្មវិធី Miss Universe 2022 នៅឯសហរដ្ឋអាមេរិក នៅរាត្រីថ្ងៃអង្គារ ទី ២៧ ខែធ្នូ ឆ្នាំ ២០២២ ខាងមុខនេះ។

លោកបានអំពាវនាវបន្ថែមចំពោះអ្នកគាំទ្រទៀតថា បងប្អូនទាំងអស់គ្នាដែលមានបំណងចូលរួមផ្តល់កម្លាំងចិត្តដល់ កញ្ញា ហង្ស ម៉ានីតា សូមទៅដល់អាកាសយានដ្ឋានអន្តរជាតិភ្នំពេញវេលាម៉ោង ៧ នាទីយប់៕

អត្ថបទ ៖ ចាន់រ៉ា