ជីវិតកម្សាន្ដ
បញ្ចប់ការសម្ដែងក្នុងព្រឹត្តិការណ៍វប្បធម៌ «រាត្រីចងចាំ» ទេព រិន្ទដារ៉ូ ថ្លែងការរំភើបទៅកាន់អ្នកគាំទ្រ
ក្រសួងវប្បធម៌ និងវិចិត្រសិល្បៈ កាលពីថ្ងៃទី ១៤ ខែធ្នូ ឆ្នាំ ២០២២ បានរៀបចំព្រឹត្តិការណ៍វប្បធម៌ «រាត្រីចងចាំ» ក្នុងឆ្នាំ ២០២២ ដែលធ្វើឡើងនៅលើទឹកដីប្រវត្តិសាស្ត្រខេត្តសៀមរាបអង្គរ ដោយបញ្ចប់ទៅដោយរលូនជាមួយទស្សនីយភាពសប្បាយរីករាយ មានអ្នកចូលរួមទស្សនាយ៉ាងច្រើនកុះករ។
បើចាប់អារម្មណ៍មកមើលតារាសម្ដែងជើងចាស់ល្បីឈ្មោះសាងប្រជាប្រិយភាពយូរឆ្នាំក្នុងវិថីសិល្បៈគឺ លោក ទេព រិន្ទដារ៉ូ ដែលក្តាប់បានតំណែងតួអង្គព្រះបាទជ័យវរ្ម័នទី ៧ នាព្រឹត្តិការណ៍វប្បធម៌ «រាត្រីចងចាំ» នោះវិញ លោកក៏បានបង្ហាញក្តីរំភើបទៅកាន់អ្នកគាំទ្រ និងមហាជនទូទាំងប្រទេសដែលគាំទ្រព្រឹត្តិការណ៍វប្បធម៌ដ៏អស្ចារ្យនេះ។
ជាក់ស្ដែងក្រោយបញ្ចប់ការសម្ដែង លោក ទេព រិន្ទដារ៉ូ បានបង្ហាញអារម្មណ៍ដូច្នេះថា «សម្ដែងចប់ហើយ “រាត្រីចងចាំ” នៅមុខប្រាសាទអង្គរវត្ត។ សូមថ្លែងអំណរគុណថ្នាក់ដឹកនាំក្រុមការងារគ្រប់ផ្នែក លោកគ្រូ អ្នកគ្រូ សិល្បករ សិល្បការិនីទាំងអស់ ជាពិសេសប្រិយមិត្តទស្សនិកជនទាំងអស់ដែលចូលរួមគាំទ្រយ៉ាងពេញទំហឹង ធ្វើឲ្យកម្មវិធីនេះបញ្ចប់ដោយជោគជ័យ»។
ប្រាកដណាស់ព្រឹត្តិការណ៍វប្បធម៌ «រាត្រីចងចាំ» ក្នុងឆ្នាំ ២០២២ នេះ រៀបចំឡើងដើម្បីចូលអបអរខួបអនុស្សាវរីយ៍ ៣០ ឆ្នាំ នៃការដាក់បញ្ចូលតំបន់អង្គរចូលជាសម្បត្តិបេតិកភណ្ឌពិភពលោកនៅលើទឹកដីអង្គរខេត្តសៀមរាប។
ក្នុងការអបអរព្រឹត្តិការណ៍ដ៏អស្ចារ្យនេះដែរ ក៏មានការចូលរួមសម្ដែងដោយសិល្បករ-សិល្បការិនីល្បីៗជិត ៣០០ នាក់ បង្ហាញទស្សនីយភាពដូចជា, ការសម្ដែងរបាំបុរាណ ,ល្ខោនស្រមោលស្បែកធំ ,ល្ខោនខោល,គុនល្បុក្កតោ នាបរិវេណខាងកើតប្រាសាទអង្គរវត្ត៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ