ជីវិតកម្សាន្ដ
តារាសម្តែងស្រីអ៊ីរ៉ង់ដ៏ល្បីឈ្មោះ ត្រូវចាប់ខ្លួនបន្ទាប់ពីគាំទ្របាតុករ
អាជ្ញាធរអ៊ីរ៉ង់បានចាប់ខ្លួនតារាស្រីដ៏ល្បីល្បាញមួយរូប ដោយចោទប្រកាន់ពីបទផ្សព្វផ្សាយព័ត៌មានមិនពិត អំពីការតវ៉ាទូទាំងប្រទេសដែលកំពុងពុះកញ្ជ្រោល។
របាយការណ៍របស់ទីភ្នាក់ងារសារព័ត៌មានសាធារណៈរដ្ឋឥស្លាម (IRNA) បានឲ្យដឹងថា នាង Taraneh Alidoosti ដែលជាតារាក្នុងខ្សែភាពយន្តឈ្នះពានរង្វាន់អូស្ការ The Salesman ត្រូវបានដាក់ពន្ធនាគារ មួយសប្តាហ៍បន្ទាប់ពីនាងបង្ហោះនៅលើ Instagram បង្ហាញពីសាមគ្គីភាពជាមួយបុរសទីមួយ ដែលត្រូវបានប្រហារជីវិតនាពេលថ្មីៗ សម្រាប់ឧក្រិដ្ឋកម្មអំឡុងពេល បាតុកម្មទូទាំងប្រទេស។
IRNA ក៏បានផ្សាយផងដែរថា តារាល្បីរបស់អ៊ីរ៉ង់មួយចំនួនទៀត ត្រូវបានស្ថាប័នតុលាការកោះហៅ ជុំវិញការផ្សព្វផ្សាយខ្លឹមសារបង្កហេតុ។
ទោះបីជាយ៉ាងណាក៏ដោយ សារព័ត៌មាននេះ មិនបានបញ្ជាក់ថា មនុស្សប៉ុន្មាននាក់ត្រូវបានកោះហៅ ឬផ្តល់ព័ត៌មានលម្អិតបន្ថែមនោះទេ។
ស្របពេលជាមួយគ្នានោះ បើយោងតាមរបាយការណ៍ដែលចេញផ្សាយនៅលើឆានែល Telegram ផ្លូវការរបស់ប្រព័ន្ធផ្សព្វផ្សាយរដ្ឋ, នាង Alidoosti ត្រូវបានចាប់ខ្លួនដោយសារតែនាងមិនបានផ្តល់ឯកសារណាមួយស្របតាមទៅនឹងការអះអាងរបស់នាង។
នៅក្នុងការបង្ហោះរបស់នាង តារាសម្តែងវ័យ៣៨ឆ្នាំរូបនេះបាននិយាយថា “ឈ្មោះរបស់គាត់គឺ Mohsen Shekari ។ រាល់អង្គការអន្តរជាតិដែលកំពុងមើលការបង្ហូរឈាមនេះ ហើយមិនចាត់វិធានការនោះ គឺជារឿងអាម៉ាស់ដល់មនុស្សជាតិ”។
គួរបញ្ជាក់ថា លោក Shekari ត្រូវបានប្រហារជីវិតកាលពីថ្ងៃទី០៩ខែធ្នូ បន្ទាប់ពីតុលាការអ៊ីរ៉ង់ ចោទប្រកាន់ថាបានបិទផ្លូវក្នុងទីក្រុង តេហេរ៉ង់ និងយកកាំបិតចាក់កងកម្លាំងសន្តិសុខ។
កាលពីសប្តាហ៍មុន អ៊ីរ៉ង់បានប្រហារជីវិតអ្នកទោសទីពីរឈ្មោះ Majidreza Rahnavard ពាក់ព័ន្ធនឹងការតវ៉ា។ សាកសពរបស់ Rahnavard ត្រូវបានព្យួរពីដងស្ទូច ដើម្បីជាការព្រមានដល់អ្នកដទៃ។ អាជ្ញាធរអ៊ីរ៉ង់បានចោទប្រកាន់ Rahnavard ថាបានចាក់ទាហានប៉ារ៉ាពីរនាក់៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ អ៊ីរ៉ង់ ប្រហារជីវិតអ្នកទោសទី១ ដែលពាក់ព័ន្ធនឹងការតវ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ