អ៊ីរ៉ង់ ប្រហារជីវិតអ្នកទោសទី១ ដែលពាក់ព័ន្ធនឹងការតវ៉ា

អ៊ីរ៉ង់និយាយថា ខ្លួនបានប្រហារជីវិតអ្នកទោសទី១ ដែលគេដឹងថា ត្រូវបានកាត់ទោសពីបទឧក្រិដ្ឋកម្ម កើតចេញពីការតវ៉ាទូទាំងប្រទេសដែលកំពុងបន្ត។

ទីភ្នាក់ងារសារព័ត៌មាន Tasnim បានរាយការណ៍នៅថ្ងៃព្រហស្បតិ៍ទី០៨ខែធ្នូនេះថា លោក Mohsen Shekari ត្រូវបានកាត់ទោសពីបទបង្ករបួសដល់សុខសន្តិសុខម្នាក់ ដោយប្រើកាំបិតវែង និងបិទផ្លូវមួយក្នុងទីក្រុង តេហេរ៉ង់។

សារព័ត៌មាន Tasnim បន្ថែមថា តុលាការកំពូល បានច្រានចោលបណ្តឹងឧទ្ធរណ៍របស់ចុងចោទ ហើយបញ្ជាក់ភាពត្រឹមត្រូវនៃការកាត់ទោស ដោយនិយាយថា សកម្មភាពរបស់ចុងចោទតំណាងឲ្យ “ឧក្រិដ្ឋកម្មនៃសង្គ្រាមប្រឆាំងនឹងព្រះ”។

គួរបញ្ជាក់ជាថ្មី ប្រទេសអ៊ីរ៉ង់ បានរង្គោះរង្គើដោយបាតុកម្មចាប់តាំងពីការស្លាប់របស់នាង Mahsa Amini អាយុ ២២ ឆ្នាំកាលពីថ្ងៃទី១៦ខែកញ្ញា។ នាងបានស្លាប់ បន្ទាប់ពីត្រូវបានឃុំខ្លួនដោយប៉ូលិសសីលធម៌របស់ប្រទេស៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ទីបំផុត អ៊ីរ៉ង់ ទទួលស្គាល់ថា មនុស្សជាង ៣០០នាក់ ត្រូវបានសម្លាប់ក្នុងបាតុកម្ម ទូទាំងប្រទេស