លោក Jon Peters ផលិតករភាពយន្តអាមេរិកនឹងចែកកេរមរតកឲ្យអ្នកស្រី Pamela Anderson ចំនួន ១០ លានដុល្លារបន្ទាប់ពីលោកស្លាប់ទៅ ទោះបីជាស្នេហារបស់អ្នកទាំងពីរមិនធ្លាប់ជាស្វាមីភរិយាពេញច្បាប់ក៏ដោយ។

លោក Jon វ័យ ៧៧ ឆ្នាំរូបនេះបានជួបនឹងអ្នកស្រី Pamela អាយុ ៥៥ ឆ្នាំដំបូងនៅវិមាន Playboy ។ ក្រោយពីតារាសម្ដែងស្រីរូបនេះ មកដល់ទីក្រុងឡូសអេនជែលឡែស។ មិនយូរប៉ុន្មានពួកគេចាប់ផ្ដើមទាក់ទងគ្នា ហើយ​ Jon តែងតែផ្ដល់ជាកាដូឲ្យនាងជាហូរហែដូចជា គ្រឿងអលង្ការ និងឡាន Mercedes 420SL ជាដើម។

ក្នុងឆ្នាំ ២០២០ គូស្នេហ៍ខាងលើបានរៀបការជាមួយគ្នាទាំងមិនស្របច្បាប់ ប៉ុន្តែជីវិតអាពាហ៍ពិពាហ៍របស់ពួកគេអស់អាយុត្រឹម ១២ ថ្ងៃប៉ុណ្ណោះ។

ជាក់ស្ដែងមង្គលការដែលកើតឡើងគឺមកពីអ្នកស្រី Pamela ជាអ្នកចាប់ផ្ដើមសុំខាងប្រុសរៀបការតាមរយៈការផ្ញើសារ ផ្ទុយទៅវិញលោក Jon ជាអ្នកផ្ដាច់ចំណងស្នេហ៍ដោយសារតែចង់រស់នៅជីវិតធម្មតា និងស្ងប់ស្ងាត់ម្នាក់ឯង ៕

ប្រែសម្រួល ៖ វារី

ចុចអាន ៖ Pamela Anderson បដិសេធធ្វើជាស្រីកំណាន់របស់លោក Sylvester Stallone