Pamela Anderson បដិសេធធ្វើជាស្រីកំណាន់របស់លោក Sylvester Stallone

តារាសម្ដែងអាមេរិកាំង-កាណាដា Pamela Anderson បាននិយាយយ៉ាងម៉ឺងម៉ាត់ច្បាស់ៗពីលោក Sylvester Stallone នៅក្នុងភាពយន្តឯកសាររបស់នាងដែលចាក់បញ្ចាំងតាម Netflix ថ្ងៃអង្គារ សប្ដាហ៍ក្រោយនេះ ។

អ្នកស្រី Pamela អះអាងថា លោក Sylvester វ័យ ៧៦ ឆ្នាំព្យាយាមញ៉ែនាងដោយសន្យាផ្ដល់ឲ្យនូវខុនដូ និងឡាន Porsche មួយគ្រឿង បើសិនអ្នកស្រីយល់ព្រមធ្វើជាស្រីលេខ ១ របស់លោក ។

ស្រីស្អាតវ័យ ៥៥ ឆ្នាំរូបនេះនិយាយត្រង់ៗតែម្ដងពីមូលហេតុធ្វើឲ្យគាត់បដិសេធសំណើរលោក Sylvester ថា “គាត់នឹងឲ្យខុនដូមួយ និងឡាន Porsche មួយ ដើម្បីក្លាយជាស្រីកំណាន់ចិត្តលេខ ១ មានន័យថានៅមានលេខ ២ ទៀតមែន?” ហើយសើច ។ 

មិនតែប៉ុណ្ណោះលោក Sylvester បន្ថែមទៀតថា “ល្អអស់ប៉ុណ្ណឹងហើយអូនសំលាញ់ ឥលូវអូនកំពុងស្ថិតក្នុងជីវិតហូលីវូដណា” ។ យ៉ាងណាក្ដី Pamela នៅតែប្រកាន់ខ្ជាប់គោលជំហរព្រោះគាត់ចង់បានស្នេហាពិតប្រាកដ មិនមែនភ្លើតភ្លើននឹងទឹកប្រាក់ទេ ។ 

ទោះជាយ៉ាងណាក៏ដោយ អ្នកតំណាងឲ្យតារាប្រុស Sylvester Stallone បានចេញមុខបដិសេធការចោទប្រកាន់នេះដោយប្រាប់អ្នកសារព័ត៌មានថា “សេចក្តីថ្លែងការណ៍របស់ Pamela Anderson គឺមិនពិត និងជាការប្រឌិត” សូម្បីតែលោក Sylvester ផ្ទាល់ក៏បដិសេធពីការចោទប្រកាន់ខាងលើដូចគ្នា ៕

ប្រែសម្រួលដោយ ៖ វារី

ចុចអាន ៖ Brooke Shields ទម្លាយរឿងត្រូវគេរំលោភ បន្ទាប់ពីលាក់អស់រយៈពេលជាង ៣ ទសវត្សរ៍