Matthew ជាតារាថៃតែមួយគត់ ឈ្នះពានរង្វាន់លំដាប់ពិភពលោក

ពិធីករដែលមានទេពកោសល្យខ្ពស់ក្នុងវិស័យសិល្បៈថៃ Matthew Dean និងជាអ្នកសម្របសម្រួលការ​ប្រកួត​លើ​ឆាក Miss Grand International បាន​ក្លាយ​ជា​និន្នាការ​ដ៏​ធំនាពេលថ្មីៗនេះ ក្រោយលោក​បាន​ឈ្នះពានរង្វាន់អ្នក​ធ្វើបទបង្ហាញឆ្នើមលំដាប់ពិភពលោក។

យ៉ាងណាមិញ អ្នកគាំទ្រជាច្រើនបានសម្រុកចូលមក​អបអរសាទរ​ដល់តារាសម្ដែង Matthew នៅពេលដែល Global Beauties ដែលជាស្ថាប័នត្រួតពិនិត្យសម្រស់ឈាន​មុខគេរបស់ពិភពលោកបាន​ប្រកាសថា លោក​បាន​ឈ្នះពានរង្វាន់អ្នក​ធ្វើបទបង្ហាញឆ្នើម ដែលបង្ហាញពី​ទេពកោសល្យ​កាន់​តែខ្លាំង ខណៈ​ចំណាត់ថ្នាក់លេខ២ បានទៅលើ Jeannie Mai និង Olivia Culpo ពិធីករនៅលើឆាក Miss universe ហើយចំណាត់ថ្នាក់លេខ៣ បានទៅលើ Anita Nneka-Jones និង martin fitch ជាអ្នករៀបចំកម្មវិធី Miss Supranational។

Matthew Deane​ មិនត្រឹមជាតារាសម្ដែង ម៉ូដែល និងច្រៀងនោះទេ លោកក៏ជាពិធីករឆ្នើមក្នុងកម្មវិអី Miss Grand International ប្រចាំប្រទេសថៃផងដែរ។ លើសពីនេះ ពិធីករទូរទស្សន៍រូបនេះ មានឱកាសក្ដោបបានតំណែងជាពិធីករកម្មវិធីលំដាប់អន្តរជាតិ Miss Grand International ដល់ទៅ៣ឆ្នាំជាប់គ្នា ដែលអំឡុងពេលបំពេញតួនាទីលោកទទួលបានការគាំទ្រយ៉ាងច្រើនពីទស្សនិកជន ព្រមទាំងការស្រឡាញ់ចូលចិត្តពីបេក្ខភាពបវរកញ្ញាគ្រប់ជំនាន់ផងដែរ៕

ប្រែសម្រួល៖ សាង ស្រីល័ក្ខ

រៀមច្បង Anne បង្ហោះរូបប៉ុន្មានសន្លឹក នាំហ្វេនរំលឹកអតីតកាលសន្សំលុយក្នុងកូនជ្រូក

ចុចអាន៖តារាស្រីថៃ ៧ រូប កើនអ្នកតាមដានលើ IG លើសពី ១០ លាននាក់ នាឆ្នាំនេះ