ជីវិតកម្សាន្ដ

រៀមច្បង Anne បង្ហោះរូបប៉ុន្មានសន្លឹក នាំហ្វេនរំលឹកអតីតកាលសន្សំលុយក្នុងកូនជ្រូក

បានផុស

៤ សប្តាហ៍ មុន

នៅ

ថ្ងៃចន្ទ ៦ កុម្ភៈ ២០២៣

ដោយ

Anne Thongprasom បានចែករំលែកនៅរឿងរ៉ាវនិងការចងចាំល្អៗ កាលពីកុមារភាពអំពីកូនជ្រូកសន្សំលុយ ក្នុងពេលដែលនាងរស់នៅជាមួយលោកយាយ ស្របពេលដែលអ្នកគាំទ្រនិយមតាមដានបណ្ដាញសង្គម Instagram ផ្ទាល់ខ្លួននាង បានចូលមកបញ្ចេញមតិចូលចិត្តគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពប៉ុន្មានសន្លឹកនោះ បានបញ្ចាក់អត្ថន័យរបស់នាងកាលនៅក្មេងថា វាជាការចងចាំរវាង Anne និងលោកយាយ ដែលរហូតមកដល់ពេលនេះ នាងនៅតែចងចាំគ្រប់ពេល។ តារារូបនេះក៏បានភ្ជាប់រូបថតមួយសន្លឹកដែលបង្ហាញពីភាពគួរឲ្យស្រលាញ់របស់នាង ជាមួយនឹងកូនជ្រូកថ្មីរបស់នាងថែមទៀត។

រៀមច្បងរូបនេះបានសរសេរសារលើ IG ថា “កាលខ្ញុំនៅក្មេង ជីដូនរបស់ខ្ញុំធ្លាប់សន្សំលុយដោយទិញកូនជ្រូកនេះផ្តល់ឲ្យ ហើយបង្ហាត់ឲ្យទម្លាក់លុយចូលដូចធនាគារ។ ប៉ុន្តែខ្ញុំភ័យរាល់ពេលត្រូវដកលុយនេះចេញ នោះមានន័យថា Anne ត្រូវវាយកូនជ្រូកដើម្បីយកលុយចេញ។ កាលណោះ ខ្ញុំចូលចិត្តរូបតុក្កតាទន្សាយជាងគេ។ តែថ្ងៃនេះ បានជួបពូម្នាក់កំពុងរុញរទះដឹកកូនជ្រូកសន្សំលុយដើរលក់ ក៏ជួយលោកពូទិញទុក ដើម្បីរំលឹកអនុស្សាវរីយ៍កន្លងមក”។

ក្រោយការបង្ហោះរូបដ៏មានអត្ថន័យរបស់ Anne Thongprasom ត្រូវបានគេចែករំលែកព្រោងព្រាត ព្រមជាមួយនឹងការចូលមកបញ្ចេញមតិពីអ្នកគាំទ្រដើម្បីប្រាប់រឿងរ៉ាវ និងបទពិសោធន៍របស់ពួកគេរៀងៗខ្លួន ខណៈតែប៉ុន្មាននាទីសោះរូបភាពអតីកាលរបស់នាង ទទួលបានការស្រលាញ់និងចូលចិត្តច្រើនជាង ២០,០០០ ឯណោះ៕

ប្រែសម្រួល៖ សាង ស្រីល័ក្ខ

ចុចអាន៖រូបមួយសន្លឹកបញ្ជាក់ថា សេដ្ឋី Nott ស្រលាញ់ Chompoo ខ្លាំងណាស់

ចុចអាន៖តារាស្រីថៃ ៧ រូប កើនអ្នកតាមដានលើ IG លើសពី ១០ លាននាក់ នាឆ្នាំនេះ