ជីវិតកម្សាន្ដ

បែកធ្លាយរូបថតពាក់ផ្កាយ១របស់ នាយ គ្រឿន បង្កការភ្ញាក់ផ្អើលពេញហ្វេសប៊ុក

បានផុស

៥ years មុន

នៅ

ថ្ងៃពុធ ១៣ មករា ២០២១

ដោយ

តារាកំប្លែងមុខស្ងួតមានប្រជាប្រិយភាពនិង ទទួលបានការគាំទ្រនាយ គ្រឿន ពេលនេះបានធ្វើឲ្យមហាជនមានការចាប់អារម្មណ៍ និងភ្ញាក់ផ្អើលគ្រប់គ្នា ខណៈនៅសុខៗក៏មានប្រភពទម្លាយរូបភាពស្ថិតក្នុងឯកសណ្ឋានមន្រី្តនគរបាលពាក់ផ្កាយមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពកម្រ១សន្លឹកដែលត្រូវបាន នាយ ពែកមី ជាបងប្រុសបង្ហោះ មិនត្រឹមតែធ្វើឲ្យមហាជនមានការភ្ញាក់ផ្អើលនោះទេថែមទាំងមានការចោទសួរថា តើនេះជាការពិតឬយ៉ាងណាដែលនាយ គ្រឿន មានតួនាទីជាមន្ត្រីផ្កាយ១បែបនេះ?។ ប៉ុន្តែការពិតនៅមិនទាន់មានការបញ្ជាក់នៅឡើយទេ។

រូបភាពនោះត្រូវបានចែកចាយលើបណ្តាញសង្គមហ្វេសប៊ុករបស់នាយ ពែកមី ជាមួយនឹងខ្លឹមសារសរសេរថា “ឲ្យហ្វេកប៊ុកវាមើលថា អាប្អូនផ្កាយ១ចុះទម្រាំអាបងផ្កាយប៉ុន្មាន? កុំឲ្យប៉ិនលុបរូបខ្ញុំផុសពេក លោកហ្វេកប៊ុកឯង។” ជាមួយគ្នានេះ ក៏មានការសួរនាំដែរថា ជាការពិតអត់ទេបង?។

កម្ពុជាថ្មីនៅព្រឹកថ្ងៃទី១៣ ខែមករា ឆ្នាំ២០២១ នៅមិនអាចទាក់ទង ដើម្បីសុំការបំភ្លឺពីតារាកំប្លែងនាយ គ្រឿន តាមប្រព័ន្ធទូរសព្ទបាននៅឡើយទេ ខណៈមានទស្សនិកជនជាច្រើនកំពុងទន្ទឹងរង់ចាំចង់ដឹងជុំវិញព័ត៌មានមួយនេះ។ សង្ឃឹមថានាយ គ្រឿន នឹងចេញមុខបបញ្ជាក់ការពិតនៅពេលក្រោយ ដើម្បីស្រាយមន្ទិលមហាជន៕

អត្ថបទ៖ ចាន់រ៉ា

Related Topics:នាយ គ្រឿន