ជីវិតកម្សាន្ដ

មិនអាចចូលដល់ Top តែ ប៊ី សុធារី ឈ្នះពានឈុតតំណាងជាតិល្អផ្ដាច់គេលើឆាកអន្តរជាតិ

បានផុស

៣ years មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ប្រាកដណាស់មហាជន និងអ្នកគាំទ្រ បានបង្ហាញការចូលរួមសោកស្ដាយគ្រប់គ្នា ខណៈបវរកញ្ញាកម្ពុជាកញ្ញា ប៊ី សុធារី ពុំអាចចូលទៅដល់ក្នុង Top កំពូលណាមួយ នៃការប្រកួត MissCharm២០២៣ នៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជាយ៉ាងនេះក៏ពិតមែន សម្រាប់កញ្ញា ប៊ី សុធារី នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌ពីបុព្វកាលរបស់ដូនតាយើងបានបន្សល់ទុក។

ដោយឡែកសម្រាប់អ្នកគាំទ្រមួយចំនួនទៀតនៅតែបន្តការលើកទឹកចិត្ត និងយល់ឃើញថា កញ្ញា ប៊ី សុធារី គឺនៅតែជា Miss តំណាងឲ្យកម្ពុជាដែលល្អផ្ដាច់ ទោះបីមិនអាចចូលទៅក្នុង Top ណាមួយក៏ពិតមែន។ ម្យ៉ាងទៀតអ្វីដែលរំភើបនោះ ប៊ី សុធារី ជាបវរកញ្ញាតំណាងកម្ពុជាអាចឈ្នះពានរង្វាន់ឈុតតំណាងជាតិ(ឈុតរាជិនីមយូរ៉ា)ល្អផ្ដាច់គេលើឆាកអន្តរជាតិផងដែរ។

នៅលើផេកឈ្មោះ Cambodia Pageantry បានលើកឡើងថា កញ្ញា Sotheary Bee Miss Charm Cambodia 2023 ដំបូងគេរបស់ប្រទេសកម្ពុជា គឺធ្វើបានល្អគ្រប់ជ្រុងជ្រោយ គឺស្ទើរតែគ្មានចន្លោះខ្វះខាតអ្វីទាំងអស់ អ្នកបានខិតខំប្រឹងប្រែងលះបង់ទាំងកម្លាំងកាយកម្លាំងចិត្តដើម្បីតំណាងឲ្យប្រទេសកម្ពុជានៅលើឆាកអន្តរជាតិ អ្នកពិតជាអស្ចារ្យ អ្នកធ្វើបានល្អគ្រប់បែបបទទាំងអស់។

ប្រភពបន្តទៀតថា អ្នកបានខិតខំប្រឹងប្រែង និងតស៊ូយ៉ាងខ្លាំងក្លា ហើយអ្នកបានសាងកេរ្តិ៍ឈ្មោះ បានសាងនូវភាពលេចធ្លោជូនប្រទេសកម្ពុជារួចហើយ ទោះបីជាអ្នកមិនបានចូលទៅដល់ Top កំពូលណាមួយក៏ដោយ ប៉ុន្តែអ្នកបានឈ្នះនៅក្នុងដួងចិត្តប្រជាជនកម្ពុជាទាំងអស់ មិនតែប៉ុណ្ណោះអ្នកបានធ្វើឲ្យពិភពលោកបានឃើញថា អ្នកតំណាងឲ្យកម្ពុជា ហើយបានឈ្នះពានរង្វាន់ឈុតតំណាងជាតិល្អផ្ដាច់គេនៅលើឆាកអន្តរជាតិផងដែរ។ ប្រជាជនកម្ពុជា នៅតែស្រលាញ់អ្នក ស្រឡាញ់គ្មានថ្ងៃប្រែ។

គួររម្លឹកថា បវរកញ្ញាតំណាងកម្ពុជា ប៊ី សុធារី ដែលជា Miss Charm Cambodia2023 កាលពីថ្ងៃទី ០៣ ខែកុម្ភៈ ឆ្នាំ ២០២៣ កន្លងទៅ បានធ្វើដំណើរចាកចេញពីប្រទេសកម្ពុជាដើម្បីចូលរួមការប្រកួតសម្រស់លំដាប់ថ្នាក់អន្តរជាតិ Miss Charm ២០២៣ នាទីក្រុងហូជីមិញ ប្រទេសវៀតណាម។ ក្នុងការចេញទៅប្រកួតនេះបាននាំយកទង់ជាតិរបស់កម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកអន្តរជាតិ៕

អត្ថបទ ៖ ចាន់រ៉ា

Related Topics:កញ្ញា ប៊ី សុធារី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា