Taeyeon មេក្រុម SNSD បង្ហាញចេតនាចង់ចាកចេញពីផលិតកម្ម SM

Taeyeon មេក្រុម Girls’ Generation បានបង្កើតការភ្ញាក់ផ្អើលយ៉ាងខ្លាំង បន្ទាប់ពីនាងបង្ហោះឃ្លិបមួយនៅលើគណនី Instagram ផ្ទាល់ខ្លួន ដែលក្នុងន័យនោះចង់បង្ហាញពីបំណងចាកចេញពីផលិតកម្ម SM Entertainment ។

កាលពីថ្ងៃទី ១៣ ខែមីនា Taeyeon បានបង្ហោះ Instagram Story របស់នាងក្នុងរូបភាពនៃឈុតឆាកមួយពីរឿងភាគល្បី ‘The Glory’ ដែលរូបថតនោះបង្ហាញតួ Park Yeonjin (សម្តែងដោយ Lim Jiyeon) និងលិខិតលាលែងពីតំណែងនាងបានប្រគល់ឱ្យថ្នាក់លើរបស់នាង​ ។ ក្នុងនោះ Taey eon បានកាត់ឈ្មោះ Park Yeonjin ហើយសរសេរឈ្មោះរបស់នាងថា “Kim Taeyeon” ។

ខណៈដែលការបង្ហោះនេះមិនមានន័យអ្វីឡើយ ប៉ុន្តែអ្នកនិយមលេងអ៊ីនធឺណិតជាច្រើនជឿថា Taeyeon ពិតជាអាចប្រាប់ពីបំណងចង់ចាកចេញពី SM Entertainment ប្រាដកណាស់។ ស្របពេលដែល SM Entertainment ពិតជាកំពុងរៀបចំសម្រាប់ការផ្លាស់ប្តូរដ៏ធំមួយ បន្ទាប់ពី Kakao Entertainment បានចូលរួមក្នុងនាមជាម្ចាស់ភាគហ៊ុនរបស់ទីភ្នាក់ងារនេះ។

យ៉ាងណាមិញ ដូចដែលបានរាយការណ៍ពីមុននៅថ្ងៃទី ១២ ខែមីនា ផលិតកម្ម HYBE បានប្រកាសថាពួកគេនឹង “បញ្ឈប់ដំណើរការទិញយករបស់ SM Entertainment” ហើយទុកវាឱ្យ Kakao អាចចូលកាន់កាប់ក្រុមហ៊ុន ៕

ប្រែសម្រួល៖នាងតូច

ចុចអាន៖អតីតមិត្តប្រុស Prang ជួបឧបទ្ទវហេតុត្រូវបញ្ជូនចូលបន្ទប់សង្គ្រោះបន្ទាន់ភ្លាមៗ