Matt បង្ហោះម្ដងទៀត មហាជនសង្ស័យថានាងពិតជាបែកគ្នាជាមួយមិត្តប្រុសមែនហើយ

ក្រោយក្លាយជាប្រធានបទក្តៅគគុករឿងស្នេហាជាមួយមិត្តប្រុស Songkran Taechanarong ថាលោកបានបណ្ដើរស្រីថ្មីនៅហាងទំនើបមួយដែលមិនមែន​ជា Matt​ ធ្វើឲ្យទស្សនិកជនហាក់មានចំងល់យ៉ាងខ្លាំង ថាតើគូស្នេហ៍មួយនេះពិតជាបែកគ្នាពិតមែន។

ត្បិត​ថា​មាន​ពាក្យចចាមអារ៉ាម​ពី​សំណាក​មិត្តប្រុសហៃសូក្ដី ប៉ុន្តែតារាស្រីរូបនេះហាក់មិន​បាន​ចេញមុខមក​ទម្លាយ​ការពិត​ឲ្យ​មហាជន​ដឹង​សោះ​ឡើយ។ យ៉ាងណាមិញ​ កាលពីពេលថ្មីៗនេះ Matt Peeranee បាន​អាប់ដែត​តាម​រយៈការ​បង្ហោះ​រូបភាព និងចំណងជើងថាលើ IG ផ្ទាល់ខ្លួនថា ទោះបី​ជាយើង​មិនមែន​ជា​ខ្ទឹម​បារាំងក៏ដោយ។ ប៉ុន្តែអ្នកអាចមានក្លិនល្អនៅលើ​ក្បាល​របស់យើង”។

តាមរយៈរូបភាពអមខេបសិនលើបណ្ដាញសង្គមទស្សនិកជាច្រើនបានចូលទៅ​បញ្ចេញមតិខុសៗ​គ្នា​ក្នុង​ន័យ​លើកទឹកចិត្តថា យើងស្រលាញ់ Matt គួរឲ្យស្រលាញ់ណាស់!, សម្រង់សំដីមួយនេះពិតជាល្អខ្លាំងណាស់! សូមឲ្យកូនស្រីជួបតែមនុស្សល្អ ជួបតែរឿងល្អៗ ចាប់ពីពេលនេះតទៅ សូមឲ្យជីវិតអ្នកស្រស់ថ្លា និងពោរពេញដោយសេចក្តីសុខគ្រប់ប្រការ។ “មនុស្សស្មោះត្រង់ផ្សេងទៀតប្រហែលជាមិនស្រលាញ់ទេ ប៉ុន្តែតែងតែគោរពចំពោះភាពស្មោះត្រង់របស់ពួកគេ។ ធ្វើជាខ្លួនយើងគឺល្អបំផុត” ។ល៕

ប្រែសម្រួល៖ សាង ស្រីល័ក្ខ

ចុចអាន៖ស្រលាញ់គ្នាជិត ១០ ឆ្នាំ Mak ទម្លាយថ្ងៃផ្ដើមស្នេហ៍ដំបូងជាមួយមិត្តស្រី ក្រោយកៀកថ្ងៃរៀបការ