Connect with us

ជីវិតកម្សាន្ដ

ឆ្លងកាត់បទពិសោធន៍ ២០ ឆ្នាំ អ្នកនិពន្ធ សួន ពិសិដ្ឋ ចង់ដកឃ្លាពីសិល្បៈ ទុកឱកាសក្មេងជំនាន់ក្រោយ

បានផុស

នៅ

ក្រោយ​ចាប់​ប្រឡូក​ក្នុង​វិស័យ​សិល្បៈ​រយៈពេល​យូរ​ឆ្នាំ​មកនេះ អ្នកនិពន្ធ​ល្បី​ឈ្មោះ​លោក សួន ពិសិដ្ឋ បាន​សាង​ស្នាដៃ​ជាច្រើន​តាមរយៈ​ការ​និពន្ធ​បទ​ចម្រៀង​ល្បី និង​ពីរោះៗ សម្រាប់​អ្នក​សិល្បៈ​ចាស់ ក្មេង ប្រុស​-​ស្រី ច្រើន​ដួង។ អ្វី​ដែល​កាន់តែ​ពិសេស​ថែមទៀត​នោះ លោក សួន ពិសិដ្ឋ ក៏​មាន​ទេពកោសល្យ​ផ្នែក​សម្ដែង​ទៀត​ផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយ​សាង​កេរ្តិ៍ឈ្មោះ និង​ស្នាដៃ​បទចម្រៀង​អស់​រយៈកាល​ជាង ២០ ឆ្នាំ កន្លង​មក​នោះ ស្រាប់តែ​អ្នកនិពន្ធ​លោក សួន ពិសិដ្ឋ បាន​បង្ហាញ​ចេតនា​ហាក់​ចង់​បោះបង់​អាជីព​របស់​ខ្លួន​មួយ​នេះ​យ៉ាង​ភ្ញាក់ផ្អើល ដើម្បី​ទុក​ឱកាស​ឲ្យ​ក្មេង​ជំនាន់​ក្រោយ​បាន​បញ្ចេញស្នាដៃ និង​សមត្ថភាព​បន្ត​នា​ពេល​អនាគត។ ប៉ុន្តែ​គេ​ពុំ​ទាន់​ដឹង​ទេ​ថា ជា​ការ​បោះបង់​ទាំងស្រុង ឬ​យ៉ាង​ណា​ទេ​?។

បើ​តាម​ការ​បញ្ជាក់ លោក សួន ពិសិដ្ឋ បាន​និយាយ​ថា លោក​កាលពីមុន​បាន​ឆ្លងកាត់​ការ​រៀន​សូត្រ​ដកស្រង់​បទពិសោធន៍​ក៏​មិន​ជា​តិច​ប៉ុន្មាន​នោះ​ដែរ គឺ ជាង ២០ ឆ្នាំ ក្នុង​កិច្ចការ​តែង​និពន្ធ​បទ​ភ្លេង​ថ្មី ទំនុក​ច្រៀង តារា​ចម្រៀង គ្រូ​បង្វឹក​តារា​ចម្រៀង និង​ជា​តារា​ភាពយន្ត​នៅ​ក្នុង​វិស័យ​សិល្បៈ​តន្ត្រី និង ភាពយន្ត​របស់​ខ្មែរ។ ដូច្នេះ​សម​ល្មម ក៏​ជា​ការ​ដល់​ពេលវេលា​ទុក​ឲ្យ​យុវជន​ជំនាន់​ក្រោយ​បាន​បញ្ចេញ​នូវ​សមត្ថភាព​ទេពកោសល្យ​ឲ្យ​អស់​ពី​ទំហំ​ចិត្ត និង​ឆន្ទៈ​ដើម្បី​ខ្លួនឯង និង​សង្គមជាតិ ដោយ​ក្ដី​ស្រលាញ់។

អ្នកនិពន្ធ​រូប​នេះ ប្រាប់​ពី​មូលហេតុ​ទៀត​ថា «ខ្ញុំ​ឥឡូវនេះ​បាន ក៏​កំពុង និង​វិវឌ្ឍនៈ​ខ្លួន​ចូល​ប្រឡូក​ក្នុង​វិស័យ​ពាណិជ្ជកម្ម​អចលនទ្រព្យ​កម្ពុជា​យ៉ាង​ពេញទំហឹង។ អរគុណ​ដល់​ពុក​ម៉ែ​បងប្អូន​ដែល​តែងតែ​គាំទ្រ​ដល់​ខ្ញុំបាទ​ជានិច្ចនិរន្តរ៍»។

សូម​បញ្ជាក់​ថា អ្នកនិពន្ធ​ល្បី​ឈ្មោះ សួន ពិសិដ្ឋ បាន​បន្សល់ទុក​នូវ​ស្នាដៃ​ជាច្រើន​សម្រាប់​សង្គមជាតិ ជា​ពិសេស​ក្នុង​វិស័យ​សិល្បៈ មិន​ថា​ការ​សម្ដែង​ភាពយន្ត ឬ​ការ​តែង​និពន្ធ​បទ​ចម្រៀង​ប្រភេទ​ស្នេហា មនោសញ្ចេតនា​បទ​ប្រភេទ​ជីវិត លើក​កម្លាំងចិត្ត ជាពិសេស​ទៅ​ទៀត​នោះ​គឺ​បទ​សម្រាប់​លើកឡើង​ពី​មោទនភាព​របស់​ប្រទេស​ជាតិ​ផ្ទាល់​តែម្ដង៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម