ជីវិតកម្សាន្ដ

Taew ពាក់អាវបញ្ចេញដើមទ្រូង ដើរពេញទឹកដីអង់គ្លេស មិនខ្វល់ភ្នែកបរទេស

បានផុស

២ years មុន

នៅ

ថ្ងៃសុក្រ ២ មិថុនា ២០២៣

ដោយ

តួឯកស្រីក្នុងរឿង “ព្រះម៉ែនាគី” នាង Taew Nathaphon បានបញ្ចេញរូបភាពដ៏សិចស៊ីលើអ៉ិនធើណេត ខណៈទស្សនិកជនពោលសរសើរពីភាពហានក្លា ដែលហ៊ានស្លៀកឈុតកណ្ដាលវាលបែបនេះដើរពេញទឹកដីនៃប្រទេសអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម Instagram ផ្ទាល់ខ្លួន តារាសម្ដែង Taew Nathaphon បញ្ចេញរូបភាពដ៏សិចស៊ីខ្លាំងនៅកណ្ដាលក្រុងឡុងដ៍។ ត្បិតថានាងស្លៀកខោនិងអាវដៃវែងជិតៗខ្លួនក្ដី ប៉ុន្តែចំណុចលេចធ្លោនៃរូបថតម៉ូដមួយឈុតនេះ គឺអាវដែលពាក់កណ្ដាលខ្លួនបង្ហាញឲ្យឃើញដើមទ្រូងនិងក្បាលពោះដែលនាងដើរកាច់រាងបង្ហាញជាសាធារណៈ។

ភ្លាមៗនោះដែរ អ្នកគាំទ្រជាច្រើនសម្រុកចូលមកបញ្ចេញមតិលើរូបថតនាងយ៉ាងព្រោងព្រាតដោយមិននឹកស្មានថា តារាស្រីសំណព្វចិត្តរបស់ពួកគេហ៊ានលេងខ្លួនដើរកាច់រាងកណ្ដាលវាលនៃទីក្រុងឡុងដ៍មិនខ្វល់ភ្នែកជនបរទេសនោះទេ។ជាមួយគ្នានោះដែរ ទស្សនិកជនបានបន្ថែមទៀតថា ស្លៀកពាក់បែបនេះទៅ Taew Nathaphon រឹតតែបញ្ចេញមន្តស្នេហ៍លើសមុនជាពិសេសគឺសម្រាប់គូស្នេហ៍សេដ្ឋីរបស់នាងតែម្ដង។

ទោះយ៉ាងណាក៏ដោយ នេះមិនមែនជាលើកទីមួយឡើយសម្រាប់តារាស្រីថៃរូបនេះក្នុងការចាយឈុតសិចស៊ីលើទឹកដីបរទេស។ នៅឯប្រទេសកំណើតខ្លួនឯងជារឿយៗនាងក៏បញ្ចេញភាពសិចស៊ីបង្ហាញមហាជនដូចគ្នាដែរ។ ហើយនេះគឺជារឿងសាមញ្ញចាប់តាំងពីនាងប្រកាសទំនាក់ទំនងស្នេហាជាមួយមិត្តប្រុសហៃសូ pranai phornprapha មកម៉្លេះ៕