ជីវិតកម្សាន្ដ

តារាកូនកាត់ ណា សាឌី ទម្លាយវិបត្តិផ្លូវចិត្ត ធ្វើឲ្យអ្នកគាំទ្របារម្ភ

បានផុស

៣ years មុន

នៅ

ថ្ងៃអង្គារ ២០ មិថុនា ២០២៣

ដោយ

តារាស្រីកញ្ញា ណា សាឌី កូនកាត់ខ្មែរ-ថៃ បច្ចុប្បន្នជាពិធីការិនី និងតារាសម្ដែង កំពុងទទួលបានការគាំទ្រច្រើនពីមហាជន ពិសេសបើនិយាយពីការងារវិញ នាងពិតជាមានភាពមមាញឹកច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើក្រឡេកមកមើលជីវិតឯកជនក្រៅសិល្បៈរបស់ស្រីស្អាត ណា សាឌី កន្លងមក នាងតែងបង្ហាញនូវភាពស្រស់ស្រាយជាមួយរូបសម្ផស្សដ៏ស្រស់សោភាគួរឲ្យគយគន់មិនជិនណាយ។ ណា សាឌី ក៏ត្រូវបានមហាជនតែងសរសើរពីអត្តចរិតរោះរាយជាមួយភាពទាក់ទាញដ៏លេចធ្លោតាមរយៈសមត្ថភាពសម្ដែង និងទេពកោសល្យសិល្បៈផ្សេងៗជាដើម។

ដោយឡែកខណៈសិល្បៈកំពុងតែមានសន្ទុះឡើង ស្រាប់តែស្រីស្អាតកូនកាត់កញ្ញា ណា សាឌី បានទម្លាយយ៉ាងភ្ញាក់ផ្អើលថា ពេលនេះនាងកំពុងជួបវិបត្តិផ្លូវចិត្ត ព្រោះត្រូវបាត់បង់របស់សំខាន់ពីខ្លួន។ ណា សាឌី បានបញ្ជាក់ថា «ក្នុងមួយប៉ប្រិចភ្នែក សាឌី បានបាត់បង់របស់ដែលខ្ញុំស្រលាញ់ លុយដែលខ្ញុំខំរក និងមនុស្សជំនិតរបស់ខ្ញុំបំផុត។ រឿងរ៉ាវដែលបានកើតឡើងកន្លងមកនេះ ធ្វើឲ្យផ្លូវចិត្តរបស់ខ្ញុំទន់ខ្សោយណាស់»។

តារាស្រីកញ្ញា ណា សាឌី បាននិយាយបន្ថែមទៀតថា «ប៉ុន្មានថ្ងៃទៀត ខ្ញុំ នឹងផុសថាមានរឿងអ្វីកើតឡើងចំពោះ សាឌី។ សូមអ្នកទាំងអស់គ្នាចាំមើលផង ហើយសុំនៅទីនេះផ្ដល់កម្លាំងចិត្តឲ្យខ្ញុំផង»។ ការលើកឡើងរបស់ សាឌី នេះ បានធ្វើឲ្យអ្នកគាំទ្រផ្ដល់កម្លាំងចិត្តដល់តារាស្រីរូបនេះគ្រប់គ្នា។

ក្នុងនោះ មានការលើកឡើងថា បាត់លុយ បាត់ទ្រព្យ អាចរកមកវិញបានអូន សំខាន់បំផុតកុំឲ្យតែបាត់បង់សុខភាព ខំថែរក្សាសុខភាពបន្តដំណើរទៅមុខ រឹងមាំស៊ូៗ យកឈ្នះអ្វីដែលកើតឡើងយកវាមកវិញ គឺភាពជោគជ័យ។

គួររម្លឹកថា កញ្ញា ណា សាឌី ដែលមានឈ្មោះហៅក្រៅថា ក្វាន់ៗ កូនកាត់ខ្មែរ-ថៃរូបនេះ កន្លងមកបានវិវឌ្ឍខ្លួនពីអ្នកអានព័ត៌មាននៅប៉ុស្តិ៍ទូរទស្សន៍ ប្រែមកធ្វើជាពិធីការិនីកម្មវិធី«តន្ត្រីខារ៉ាបាវ» និង«ពិភពរីករាយ»ជាដើម៕

អត្ថបទ ៖ ចាន់រ៉ា

Related Topics:តារាខ្មែរ ណា សាឌី

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា