វិលមកអាជីពសម្ដែងវិញ Patricia ត្រូវគេសរសើរយ៉ាងខ្លាំង ទោះសម្រាលកូនហើយក្ដី

ត្បិតថា​ទើប​សម្រាល​បាន​កូន​មួយហើយក្ដី​ ក៏ប៉ុន្តែតារាសម្ដែង Patricia ស្រាប់តែវិលត្រលប់​មកកាន់​អាជីពសម្ដែងវិញយ៉ាងឆាប់រហ័ស។ ហើយ​អ្វី​ដែល​មនុស្ស​ជា​ច្រើន​ស្រឡាំងកាំង​គឺ​សម្រស់​របស់​នាងលើកនេះស្អាតមិនជិនណាយ។

នាពេល​ថ្មីៗនេះ Patricia បានបង្ហោះរូបភាពនៅលើ Instagram ផ្ទាល់ខ្លួន​ ក្នុង​សំលៀកបំពាក់​ពណ៌ក្រហម។ ការតុបតែងមុខនិងស្ទីលម៉ូដសក់ប្លែកខុសមុន ជាមួយ​នឹង​ខេបសិនបញ្ជាក់ថា “ថ្ងៃ​មុន​សម្រាប់​ #The Betrayal #3zap “។

តាមរយៈរូបថតប៉ុន្មានសន្លឹកនេះផងដែរ គឺជាការប្រម៉ូតនូវសាច់រឿងថ្មីដែលនាងទើបសម្ដែងចប់ ក្រោមចំណងជើងថា The Betrayal ដោយមានការចូលរួមជាមួយតារាសម្ដែងរៀមច្បង Anne Thongprasom, Ananda Everingham និង Gee Sutthirak Subvijitra។

យ៉ាងណាមិញ រូបភាពរបស់នាងច្រើនសន្លឹកនេះទទួលការសរសើរព្រមទាំងមានអ្នកគាំទ្រចុច Like និង​បញ្ចេញ​មតិ​សរសើរ​សម្រស់ថា មិនថាមានកូនហើយក្ដី។ ប៉ុន្តែសម្រស់ភរិយាសេដ្ឋីរូបនេះ នៅតែចែងចាំងវ៉ាជែងជាមួយក្រមុំបាន៕

ប្រែស​ម្រួល៖ សាង ស្រីល័ក្ខ

ចុចអាន៖Song Hye Kyo បង្ហាញសម្រស់នៅសិង្ហបុរី ត្រូវគេប្រដូចនឹងតុក្កតា Barbie