Andy Lau ចង់ជ្រៀតខ្លួនចូលក្នុងពិភពហូលីវូដ ដូចមិត្តរួមជំនាន់

ដើមឡើយតារាសម្ដែង Andy Lau អតីតតួ លី តាវហួ តែងតែបដិសេធខ្លួនក្នុងការប្រឡូកលើវិស័យហូលីវូដ ​ដោយយល់ឃើញថា ហូលីវូដពុំសូវផ្ដល់តម្លៃដល់អ្នកសិល្បៈចិន ប៉ុន្តែពេលនេះលោកបែរជាប្រែចិត្ត ក្រោយមិត្តរួមជំនាន់ម្នាក់ជោគជ័យខ្លាំងក្នុងវិស័យនេះ។

នៅឯពិធីបិទមហោស្រពភាពយន្តអន្តរជាតិតូរ៉ុនតូលើកទី ៤៨ (Toronto International Film Festival-TIFF) កាលពីពេលថ្មីៗកន្លងទៅ តារាសម្ដែងហុងកុង Andy Lau បានបង្ហើបថា លោកត្រៀមខ្លួនចូលហូលីវូដរួចហើយ តែលោកចង់ដឹងវិញថា តើហូលីវូដមានកន្លែងសម្រាប់លោកដែរឬទេ។

ការថ្លែងបែបនេះ ដោយសារពេលឡើងទទួលពានរង្វាន់តារាសម្ដែងឆ្នើមនៅក្នុងកម្មវិធី TIFF មានគេសួរលោកថា តើលោកចង់ចូលហូលីវូដ​ដូច Tony Leung ដែលជាមិត្តរួមជំនាន់របស់លោកដែរ​ឬ​អត់។ តារាវ័យ ៦១ឆ្នាំរូបនេះ ឆ្លើយដោយមិនស្ទាក់ស្ទើរថា លោកត្រៀមខ្លួនគ្រប់ពេល៕

ប្រែសម្រួល៖ សន្យា

ចុចអាន៖ មិននឹកស្មាន អតីតតួ លី តាវហួ អត់ហូបបាយ ១០ឆ្នាំ ដើម្បីថែរក្សារាង