ជីវិតកម្សាន្ដ

គ្មានលទ្ធភាព តារាកំប្លែង ប៉េង ប៉ោង ប្រកាសលក់ដីបន្ទាន់យកលុយព្យាបាលជំងឺ

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

ជំងឺកាន់តែធ្វើទុក្ខខ្លាំង តារាកំប្លែងអ្នកនាង មឿន និមល ហៅ ប៉េង ប៉ោង បានសម្រេចប្រកាសលក់ដីបន្ទាន់ ដើម្បីយកលុយព្យាបាលជំងឺ ស្របពេលមានដំណឹងអ្នកនាងចង់ចេញទៅព្យាបាលនៅប្រទេសថៃផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង ប៉េង ប៉ោង កាលពីថ្មីៗមុននេះបានធ្វើឲ្យមហាជនអ្នកគាំទ្រមានការភ្ញាក់ផ្អើល និងចាប់អារម្មណ៍គ្រប់គ្នា បន្ទាប់ពីតារាកំប្លែងរូបនេះទម្លាយពីអាការជំងឺទឹកនោមប្រៃកាន់តែធ្វើទុក្ខខ្លាំងលើរូបនាង។ ជាមួយនោះ ដោយសារអត់លទ្ធភាពរកលុយព្យាបាល ប៉េង ប៉ោង បានប្រកាសលក់ដី ១ កន្លែង នៅកំបូល ដើម្បីយកលុយមើលខ្លួន។

អ្នកនាង ប៉េង ប៉ោង បញ្ជាក់ថា «នាងខ្ញុំ ប៉េង ប៉ោង ត្រូវការលក់ដី ១ កន្លែង ក្បាល ៩ បណ្ដោយ ២១ បន្ទាន់ នៅកំបូល ក្នុងតម្លៃសមរម្យ ដើម្បីយកលុយព្យាបាលសុខភាព បើពុកម៉ែបងប្អូនចង់បានអាចទំនាក់ទំនងនាងខ្ញុំបានតាមរយៈលេខ,០៩៨ ៦៥៨ ៩៥៦ ,០១២ ៥៥៣ ៨៦៥ ដោយក្ដីគោរព ជួយស៊ែនាងខ្ញុំម្នាក់ ១ ផង អរគុណ»។

ជាការពិតបើតាមការកត់សម្គាល់តារាកំប្លែងអ្នកនាង ប៉េង ប៉ោង មួយរយៈចុងក្រោយនេះហាក់មានសុខភាពមិនសូវល្អប៉ុន្មានទេ ដោយសារបញ្ហាជំងឺធ្វើទុក្ខជាបន្តបន្ទាប់ ខណៈថ្មីៗនេះ ក៏ស្រាប់តែលេចឡើងអាការជំងឺទឹកនោមប្រៃគួរឲ្យព្រួយបារម្ភទៀតផង។ ជំងឺទឹកនោមប្រៃនេះគឺបានធ្វើទុក្ខមកលើអ្នកនាង ប៉េង ប៉ោង ដូចជា មានសភាពហើមជើង និងធ្វើទុក្ខនៅក្នុងខ្លួនប្រាណយ៉ាងពិបាកទៀតផង។

អ្នកនាង ប៉េង ប៉ោង បានបញ្ជាក់ថា បន្ទាប់ពីពិសារបស់គ្រូពេទ្យម្នាក់រួចមក ក៏ស្រាប់តែមានអាការធ្វើទុក្ខខ្លាំងនៅលើខ្លួនប្រាណ។ ហើយក៏ទៅពិនិត្យម្តងទៀតរកឃើញថា ខ្លួនមានទឹកនោមប្រៃដែលបណ្តាលឲ្យឈាមឡើងខ្លាំងទៀតផង។ ក្នុងនោះអ្នកនាងក៏ត្រូវបានអ្នកស្គាល់ជំរុញឲ្យចេញទៅព្យាបាលបន្ទាន់នៅប្រទេសក្រៅឆាប់ៗ ទៀតផង៕

អត្ថបទ ៖ ចាន់រ៉ា