ជីវិតកម្សាន្ដ

ពិធីមង្គលការ ហ៊ិន ច័ន្ទនីរ័ត្ន និងស្វាមី រៀបចំយ៉ាងប្រណិត ក្រោមវត្តមានដ៏ខ្ពង់ខ្ពស់ សម្តេចតេជោ ហ៊ុន សែន

បានផុស

៩ ខែ មុន

នៅ

ថ្ងៃសុក្រ ២២ ធ្នូ ២០២៣

ដោយ

ទស្សនិកជនបានជ្រាបហើយថា នៅថ្ងៃទី២២ ខែធ្នូ ឆ្នាំ២០២៣ នេះ ជាថ្ងៃសិរីសួស្តី នៃអាពាហ៍ពិពាហ៍របស់ពិធីការិនី ហ៊ិន ច័ន្ទនីរ័ត្ន និងលោក ឌី ពេជ្រ ខណៈពិធីមង្គលការនេះ បានរៀបចំឡើងយ៉ាងអធិកអធម ស្ថិតនៅគេហដ្ឋានដ៏ធំស្កឹមស្កៃ នារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត់សម្គាល់ថ្ងៃរៀបអាពាហ៍ពិពាហ៍របស់ ហ៊ិន ច័ន្ទនីរ័ត្ន និងលោក ឌី ពេជ្រ ព្រឹកមិញនេះ មានការអញ្ជើញចូលរួមដ៏ខ្ពង់ខ្ពស់ពីសំណាក់ សម្តេចតេជោ ហ៊ុន សែន និងមន្ត្រីថ្នាក់ដឹកនាំនៅតាមស្ថាប័នធំៗមួយចំនួន ព្រមទាំងសមាជិកគ្រួសារ រួមនឹងភ្ញៀវកិត្តិយស ក៏ដូចជាមិត្តក្នុងរង្វង់សិល្បៈយ៉ាងច្រើនកុះករ។

តាមរយៈការបង្ហោះរូបភាពជាច្រើនបង្ហាញពីទិដ្ឋភាព នៃថ្ងៃអាពាហ៍ពិពាហ៍របស់អ្នកនាង ហ៊ិន ចន្ទ័នីរ័ត្ន និងគូស្នេហ៍បណ្ដូលចិត្តលោក ឌី ពេជ្រ នៅថ្ងៃនេះ គេសង្កេតឃើញមានការរៀបចំតែងលម្អរោងជ័យយ៉ាងស្រស់ស្អាតប្រណិត និងសម្រិតសម្រាំងជាទីបំផុត។ អ្នកគាំទ្រ និងមហាជន ចាប់អារម្មណ៍យ៉ាងខ្លាំងបន្ទាប់ពីបានឃើញកូនក្រមុំ-កំលោះ ១គូនេះបង្ហាញខ្លួនក្នុងឈុតរៀបការ និងឈុតប្រពៃណីតាមទំនៀមទម្លាប់របស់ខ្មែរយ៉ាងស្រស់ស្អាត។

ជាក់ស្ដែងនៅក្នុងឱកាសនេះដែរ អ្នកនាង ហ៊ិន ចន្ទ័នីរ័ត្ន និង ស្វាមីលោក ឌី ពេជ្រ បានបង្ហាញនូវស្នាមញញឹមដ៏ផ្អែមល្ហែមមានសេចក្តីសុខដែលពោរពេញទៅដោយភាពសប្បាយរីករាយដោយសារពេលនេះ គឺជាថ្ងៃដ៏មានសុភមង្គលគួរឲ្យចងចាំ។ តាមរយៈនេះគឺមានអ្នកគាំទ្រ និងមិត្តភក្តិសិល្ប:ជាច្រើនបានសម្តែងការចូលរួមអបអរ និងជូនពរដល់គូស្នេហ៍ ហ៊ិន ចន្ទ័នីរ័ត្ន និងស្វាមីលោក ឌី ពេជ្រ ផងដែរ៕

អត្ថបទ៖ ចាន់រ៉ា