ជីវិតកម្សាន្ដ

នី មុន្នីនាថ បំផុសចូលរួមយុទ្ធនាការជំរុញតំបន់ទេសចរណ៍ក្នុងស្រុក ជាមួយការបរិច្ចាគឈាម

បានផុស

៨ ខែ មុន

នៅ

ថ្ងៃពុធ ២៤ មករា ២០២៤

ដោយ

កញ្ញា នី មុន្នីនាថ កន្លងមកត្រូវបានគេស្គាល់ថា ជាតារាសម្ដែងពូកែទឹកភ្នែកដែលក្ដោបក្ដាប់បានឱកាសសម្តែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះ នាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្តល់ឈាមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលមហាជនចាប់អារម្មណ៍ថែមទៀតនោះ កញ្ញា នីមុន្នី នាថ កាលពីថ្មីៗកន្លងមកនេះក៏ធ្លាប់បានចេញមុខអំពាវនាវដល់សិល្បករ-សិល្បការិនីរួមគ្នាដើម្បីលើកស្ទួយវិស័យទេសចរណ៍កម្ពុជា។ ដោយឡែកពេលនេះស្រាប់តែ នី មុន្នីនាថ បានលេចមុខស្នើមហាជនអ្នកគាំទ្រស្នើឲ្យចូលរួមយុទ្ធនាការជំរុញតំបន់ទេសចរណ៍ក្នុងស្រុកជាមួយការបរិច្ចាគឈាម។

តារាសម្ដែងទឹកភ្នែកកញ្ញា នី មុន្នីនាថ បានរំលេចខ្លឹមសារខ្លីដើម្បីបំផុសទស្សនិកជនថា “សូមចូលរួមជាមួយនឹងយុទ្ធនាការជំរុញតំបន់ទេសចរណ៍ក្នុងស្រុករួមជាមួយនឹងការបរិច្ចាគឈាមជាមួយនិងមូលនិធិឈាម នី មុនី្ននាថ (ដំណើរកម្សាន្តក្នុងមហានគរ និងការបរិច្ចាគឈាម)“។ បើតាមការបញ្ជាក់បន្ថែមពីកញ្ញា នី មុន្នីនា ថាព្រឹត្តិការណ៍នេះនឹងធ្វើឡើងចាប់ពីថ្ងៃទី០៣-០៤ ខែកុម្ភៈ ឆ្នាំ២០២៣ ឆ្ពោះទៅកាន់ទឹកដីប្រវត្តិសាស្ត្រនៃខេត្តសៀមរាប។

តាមការកត់សម្គាល់តារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែងតែឃើញនាងបង្ហាញសារចូលរួមបំផុសស្មារតីដល់បងប្អូនប្រជាពលរដ្ឋខ្មែរ និងសិល្បករ-សិល្បការិនីក្នុងកិច្ចការងារសង្គមដូចជា,ការចូលរួមបរិច្ចាគឈាម ជួយសង្គ្រោះអាយុជីវិតអ្នកដែលត្រូវការឈាមបន្ទាន់,ផ្សព្វផ្សាយការអប់រំផ្សេងៗជាដើម៕

អត្ថបទ៖ ចាន់រ៉ា