ព័ត៌មានអន្ដរជាតិ
ឥណ្ឌា បន្ថែមការបិទខ្ទប់ទីក្រុងពាណិជ្ជកម្មធំបំផុត ក្រោយករណីឆ្លងមិនថយចុះសោះ
រដ្ឋធានីដេលី ប្រទេសឥណ្ឌា បានប្រកាសបិទខ្ទប់រយៈពេលជាច្រើនសប្តាហ៍បន្ថែមទៀត បន្ទាប់ពីមានការកើនឡើងករណីឆ្លងគួរឲ្យកត់សម្គាល់ ខណៈប្រព័ន្ធសុខាភិបាលរបស់ទីក្រុងនេះកំពុងពោរពេញទៅដោយអ្នកជំងឺណែនណាន់តាន់តាប់ ។
ការិយាល័យរដ្ឋាភិបាល និងសេវាកម្មចាំបាច់ដូចជា មន្ទីរពេទ្យ ឱសថស្ថាន និងកន្លែងលក់គ្រឿងទេសនឹងត្រូវបើកទ្វារជាធម្មតា អំឡុងពេលការបិទខ្ទប់ដែលបានចាប់ផ្តើមនៅថ្ងៃចន្ទនេះ ។
ទីក្រុងនេះបានដាក់បម្រាមគោចរកាលពីចុងសប្តាហ៍ ប៉ុន្តែបានរាយការណ៍ថា មានការកើនឡើងករណីឆ្លងខ្ពស់បំផុតក្នុងរយៈពេលតែមួយថ្ងៃគឺមានចំនួន ២៤,៤៦២ ករណីគិតត្រឹមថ្ងៃអាទិត្យ ខណៈប្រទេសឥណ្ឌាកំពុងឈានទៅរករលកទី ២ ដ៏គ្រោះថ្នាក់ ចាប់តាំងពីដើមខែមេសាមក ។
ប្រទេសឥណ្ឌាបានរាយការណ៍អំពីករណីឆ្លងជាង ២០០,០០០ ករណីជារៀងរាល់ថ្ងៃចាប់តាំងពីថ្ងៃទី ១៥ ខែមេសា ហើយវាជាចំនួនឆ្លងដ៏ខ្ពស់បំផុតលើសកាលពីឆ្នាំមុន នៅពេលដែលមានអត្រាឆ្លងជាមធ្យម ៩៣,០០០ ករណីប៉ុណ្ណោះក្នុងមួយថ្ងៃ ។
ទន្ទឹមនោះការស្លាប់ក៏កំពុងតែកើនឡើងផថដែរ ។ ប្រទេសឥណ្ឌាបានបញ្ជាក់ថាមានអ្នកស្លាប់ ១,៦២០ នាក់ដោយសារវីរុសនេះកាលពីថ្ងៃអាទិត្យ ។
មន្ទីរពេទ្យនៅទីក្រុងដេលីកំពុងញាប់ដៃញាប់ជើងដាក់អ្នកជំងឺកូវីដ ១៩ ខណៈរដ្ឋជាច្រើនផ្សេងទៀតត្រូវបានគេរាយការណ៍អំពីកង្វះគ្រែយ៉ាងខ្លាំងទាំងក្នុងបន្ទប់សម្រាកព្យាបាល និងបន្ទប់សង្គ្រោះបន្ទាន់ (ICU) ។
បន្ថែមពីនេះសូម្បីតែលទ្ធផលតេស្តក៏កំពុងត្រូវបានពន្យាពេលផងដែរ ដោយសារតម្រូវការដ៏លើសលប់ដែលជាហេតុនាំឲ្យមនុស្សមិនមានការធ្វើរោគវិនិច្ឆ័យ និងព្យាបាលទាន់ពេលវេលា ។
ក្នុងរយៈពេលប៉ុន្មានសប្តាហ៍កន្លងមកនេះ ប្រទេសឥណ្ឌាបានឈរនៅលំដាប់កំពូលតារាងនៃករណីឆ្លងជំងឺកូវីដ ១៩ របស់ពិភពលោកលើកំណត់ត្រាករណីឆ្លងប្រចាំថ្ងៃច្រើនជាងប្រទេសដទៃទៀត ។
គួរបញ្ជាក់ថា គិតត្រឹមពេលនេះប្រទេសឥណ្ឌាមានករណីឆ្លងជំងឺកូវីដ ១៩ សរុប ១៥,០៦១,៩១៩ ករណី និងមានអ្នកស្លាប់ចំនួន ១៧៨,៧៩៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ ឥណ្ឌា ដែលហក់មកលំដាប់ទី ២ លើលោកវិញ ថ្ងៃនេះរកឃើញអ្នកឆ្លងកូវីដថ្មីជាង ២៣៤,០០០ ករណី
ចុចអាន ៖ ធ្ងន់ធ្ងរហើយ! អង់គ្លេសរកឃើញ ជំងឺកូវីដ ១៩ បំប្លែងខ្លួនថ្មី និងកាចសាហាវមួយប្រភេទទៀតមកពីឥណ្ឌា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ