ព័ត៌មានអន្ដរជាតិ
អ្នកវិទ្យាសាស្រ្ត ណែនាំឲ្យអ្នកធ្លាក់ខ្លួនឈឺជំងឺកូវីដ-១៩ “ហាត់ហិតក្លិន”
ក្រុមអ្នកស្រាវជ្រាវ បានអំពាវនាវដល់អ្នកដែលកំពុងព្យាយាមចង់បានការដឹងក្លិនមកវិញបន្ទាប់ពីធ្លាក់ខ្លួនឈឺជំងឺកូវីដ-១៩ ឲ្យ “ហាត់ហិតក្លិន” ជាជាងការព្យាបាលដោយប្រើថ្នាំស្តេរ៉ូអ៊ីដ។
នេះគឺជាដំណើរការមួយ ដែលពាក់ព័ន្ធនឹងការហិតក្លិនផ្សេងៗក្នុងរយៈពេលមួយខែ ដើម្បីឲ្យខួរក្បាលស្គាល់ក្លិនខុសៗគ្នាឡើងវិញ។
អ្នកជំនាញអន្តរជាតិមួយក្រុមបាននិយាយថា ការហាត់ហិតក្លិនគឺជាវិធីមិនចំណាយប្រាក់ និងសាមញ្ញ។ ហើយមិនដូចថ្នាំស្តេរ៉ូអ៊ីដទេ វាអាចចៀសវាងពីប្រតិកម្មដែលអាចកើតមាន។
ការបាត់បង់ក្លិន គឺជារោគសញ្ញាមួយក្នុងចំណោមរោគសញ្ញាសំខាន់ៗ នៃការឆ្លងជំងឺកូវីដ-១៩ រួមជាមួយគ្រុនក្តៅនិងក្អកជាប់ផងដែរ។
ក្នុងករណីភាគច្រើន ការបាត់បង់ក្លិននឹងត្រឡប់មកវិញយ៉ាងឆាប់រហ័ស បន្ទាប់ពីអ្នកជំងឺជាសះស្បើយ។ ប៉ុន្តែម្នាក់ក្នុងចំណោមមនុស្សប្រាំនាក់ បានរាយការណ៍ថា ពួកគេនៅតែមានបញ្ហាក្នុងរយៈពេល៨សប្តាហ៍ បន្ទាប់ពីធ្លាក់ខ្លួនឈឺ។
ការព្យាបាលមួយដែលត្រូវបានចេញវេជ្ជបញ្ជាដោយគ្រូពេទ្យ គឺជាថ្នាំ Corticosteroids ដែលកាត់បន្ថយការរលាកនៅក្នុងខ្លួន ហើយត្រូវបានប្រើរួចទៅហើយដើម្បីព្យាបាលជំងឺនានា ដូចជាជំងឺហឺតជាដើម។
ប៉ុន្តែសាស្រ្តាចារ្យ Carl Philpott មកពីសាលាវេជ្ជសាស្ត្រ Norwich នៃសាកលវិទ្យាល័យ East Anglia បាននិយាយថា មានភស្តុតាងតិចតួចណាស់ដែលបង្ហាញថា ថ្នាំ Corticosteroid នឹងជួយដល់បញ្ហាបាត់បង់ក្លិន។
ផលប៉ះពាល់របស់ថ្នាំស្តេរ៉ូអ៊ីដរួមមាន ទល់នោម, សម្ពាធឈាមខ្ពស់និងបញ្ហាជាមួយនឹងការផ្លាស់ប្តូរអារម្មណ៍និងអាកប្បកិរិយា។
ផ្ទុយទៅវិញ នៅក្នុងការសិក្សាមួយដែលត្រូវបានបោះពុម្ពផ្សាយក្នុងទិនានុប្បវត្តិ International Forum of Allergy & Rhinology បានស្នើឲ្យមានការហាត់ហិតក្លិនជំនួសវិញ។
ពួកគេគួរតែហាត់ហិតក្លិន៤ប្រភេទដូចជា ផ្លែក្រូច ជីអង្កាម ខ្ទឹមឬកាហ្វេឲ្យបានពីរដងក្នុងមួយថ្ងៃ រយៈពេលច្រើនខែ។
លោកសាស្ត្រាចារ្យ Philpott និយាយថា ការស្រាវជ្រាវបង្ហាញថា មនុស្ស ៩០ភាគរយ បានទទួលក្លិនរបស់ខ្លួនមកវិញទាំងស្រុង បន្ទាប់ពីរយៈពេល៦ខែ៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ អ្នកជំងឺកូវីដអាចបាត់បង់ក្លិននិងរសជាតិរហូតដល់ ៥ ខែ បន្ទាប់ពីការឆ្លងមេរោគ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore