ព័ត៌មានជាតិ
កម្មករ និងសហជីព នៃរោងចក្រ អ.ជី ផ្ទុះការសរសើរពីទឹកចិត្ត និងការរៀបចំធ្វើឱ្យការបើកប្រាក់ដំណើរការរលូន
ក្នុងអំឡុងពេលបើកប្រាក់ឈ្នួលនៅសាលាស្រុកអង្គស្នួល ខេត្តកណ្ដាល កម្មករ-កម្មការិនី និងសហជីពប្រចាំរោងចក្រ អ.ជី ហ្វ៊ូតវែរ នៅថ្ងៃសុក្រ ទី ២៩ ខែមីនា ឆ្នាំ ២០២៤ នេះ បានផ្ទុះការកោតសរសើរពីទឹកចិត្ត និងការយកចិត្តទុកដាក់របស់មន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងអាជ្ញាធរមូលដ្ឋាន ដែលរៀបចំសណ្ដាប់ធ្នាប់ របៀបរៀបរយ និងការសម្រួលឯកសារផ្សេងៗ របស់កម្មករ។ ប្រការនេះ បានធ្វើឱ្យក្រុមកម្មករទាំងអស់សប្បាយចិត្ត និងមានភាពកក់ក្ដៅអំឡុងពេលបើកប្រាក់ឈ្នួល និងប្រាក់បំណាច់ផ្សេងៗ។ សូមរំលឹកថា កម្មករ នៃរោងចក្រ អ.ជី ហ្វ៊ូតវែរ នៅថ្ងៃទី ២៩ នេះ បាននិងកំពុងបើកប្រាក់ឈ្នួល និងប្រាក់បំណាច់ផ្សេងៗ ដែលក្រុមហ៊ុនបានគិតគូរផ្តល់ឱ្យក្រោមការសម្របសម្រួលពីក្រសួងការងារ និងបណ្ដុះបណ្ដាលវិជ្ជាជីវៈ។
កញ្ញា តូច តេងហី កម្មកររោងចក្រ អ.ជី ដែលមានពិការភាព បានសរសើរពីការយកចិត្តទុកដាក់របស់រដ្ឋាភិបាលទាំងកិច្ចការងាររដ្ឋបាល និងការងារសម្រួលជាទូទៅដល់ខ្លួនដែលត្រូវការយកចិត្តទុកដាក់ច្រើន។
បន្ថែមពីនេះ កញ្ញា តង់ បញ្ញា កម្មកររោងចក្រ អ.ជី សប្បាយចិត្តខ្លាំងដែលមន្ត្រីក្រសួងការងារ បានសួរនាំ និងប្រឹក្សាពីឯកសារសម្រាប់បើកប្រាក់ឈ្នួលដែលធ្វើឱ្យកញ្ញាពេញចិត្តចំពោះទង្វើ និងកាយវិការដ៏សមរម្យនេះ។
ដោយឡែកអនុប្រធានសហជីពខ្មែរ CUF ប្រចាំរោងចក្រ អ.ជី អ្នកនាង និល ខេន ក៏បានមើលឃើញពីកាយវិការ នៃការយកចិត្តទុកដាក់របស់មន្ត្រីរាជរដ្ឋាភិបាលក្នុងអំឡុងពេលបើកប្រាក់ឈ្នួលនេះដែរ ដោយលាន់មាត់ពីភាពសាមញ្ញរបស់មន្ត្រី និងការយកចិត្តទុកដាក់ដល់កម្មករគ្រប់គ្នាដែលធ្វើឱ្យកម្មករទាំងអស់គ្នាសប្បាយរីករាយ ហើយមានភាពស្និទ្ធស្នាលបន្ថែមទៀតលើដំណោះស្រាយថវិកាទទួលបានលឿនហើយនោះ។
ជាមួយគ្នានេះ កម្មករទាំងអស់ និងសហជីព ក៏បានលើកឡើងព្រមគ្នាដោយបង្ហាញពីសមានចិត្ត ពេញចិត្ត គាំទ្រ និងថ្លែងអំណរគុណដល់ សម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាល ដែលបានគិតគូរពីសុខទុក្ខរបស់កម្មករ ដោយមិនទុកឱ្យកម្មកររងាដោយគ្មានដំណោះស្រាយឡើយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ