ព័ត៌មានអន្ដរជាតិ

អ៊ុយក្រែនបញ្ជូនអ្នកជំនាញយោធាផ្នែកដ្រូនជាង២០០នាក់ទៅជម្ឈិមបូព៌ា

បានផុស

៣ ខែ មុន

នៅ

ថ្ងៃពុធ ១៨ មីនា ២០២៦

ដោយ

ប្រធានាធិបតីអ៊ុយក្រែន លោក វ្ល៉ាឡូឌីមៀរ ហ្សេលេនស្គី (Volodymyr Zelenskyy) បានឱ្យដឹងថា រដ្ឋាភិបាលអ៊ុយក្រែនបានបញ្ជូនអ្នកជំនាញផ្នែកយោធាជាង២០០នាក់ ទៅប្រទេសក្នុងតំបន់ឈូងសមុទ្រនិងមជ្ឈិមបូព៌ាទាំងមូល ដើម្បីជួយរដ្ឋាភិបាលនៃប្រទេសទាំងនោះក្នុងការការពារខ្លួនប្រឆាំងនឹងការវាយប្រហារដោយដ្រូនរបស់អ៊ីរ៉ង់។

ប្រធានាធិបតីអ៊ុយក្រែន លោក វ្ល៉ាឡូឌីមៀ ហ្សេលេនស្គី។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Al Jazeera ផ្សាយថ្ងៃទី១៨ ខែមីនា ឆ្នាំ ២០២៦ ក្នុងសុន្ទរកថាមួយទៅកាន់សមាជិកសភាចក្រភពអង់គ្លេសនៅទីក្រុងឡុងដ៍កាលពីថ្ងៃអង្គារ មេដឹកនាំអ៊ុយក្រែនរូបនេះនិយាយថា៖«អ្នកជំនាញប្រឆាំងខាងបច្ចេកវិទ្យាដ្រូនរបស់អ៊ុយក្រែនចំនួន២០១នាក់ កំពុងស្ថិតនៅក្នុងតំបន់ទាំងមជ្ឈិមបូព៌ា ហើយ ៣៤នាក់ផ្សេងទៀតត្រៀមខ្លួនរួចរាល់ ដើម្បីដាក់ពង្រាយ»។

លោក ហ្សេលេនស្គី ថា៖«ពួកគេជាអ្នកជំនាញយោធា អ្នកជំនាញដែលដឹងពីរបៀបជួយ របៀបការពារប្រឆាំងនឹងដ្រូន Shahed ។ ក្រុមរបស់យើងស្ថិតនៅក្នុងប្រទេសអេមីរ៉ាតអារ៉ាប់រួម កាតា អារ៉ាប៊ីសាអូឌីត នឹងកំពុងធ្វើដំណើរទៅកាន់ប្រទេសគុយវ៉ែតផងដែរ»។

លោកបន្តថា៖ «យើងកំពុងធ្វើការជាមួយប្រទេសជាច្រើនទៀត រីឯកិច្ចព្រមព្រៀងនានាមានរួចហើយ។ យើងមិនចង់ឱ្យអំណាចរបបអ៊ីរ៉ង់ប្រឆាំងនឹងប្រទេសជិតខាងទទួលបានជោគជ័យនោះទេ»។

គួរបញ្ជាក់ថាកាលពីសប្តាហ៍មុន មេដឹកនាំអ៊ុយក្រែនលើកឡើងថា ក្រុមយោធាបានបញ្ជូនទៅរដ្ឋក្នុងឈូងសមុទ្រជាច្រើន និងប្រទេសហ្ស៊កដានីផងដែរ។

មេដឹកនាំអ៊ុយក្រែនរូបនេះបានជួបជាមួយនាយករដ្ឋមន្ត្រីចក្រភពអង់គ្លេស លោក Keir Starmer និងប្រធានអង្គការណាតូ លោក Mark Rutte កាលពីព្រឹកថ្ងៃអង្គារ ហើយរៀបរាប់ថា៖ «រុស្ស៊ីបានទទួលដ្រូន Shahed-១៣៦ ពីអ៊ីរ៉ង់ ។ ប្រទេសនេះបង្រៀនរុស្ស៊ីពីរបៀបបាញ់បង្ហោះដ្រូនទាំងនោះ និងផ្តល់បច្ចេកវិទ្យាដើម្បីផលិតទៀតផង»។

លោកបន្ថែមថា៖ «ដូច្នេះអ្វីដែលកំពុងកើតឡើងនៅជុំវិញប្រទេសអ៊ីរ៉ង់នាពេលបច្ចុប្បន្ននេះ មិនមែនជាសង្គ្រាមដ៏ឆ្ងាយសម្រាប់យើងទេ ដោយសារតែកិច្ចសហប្រតិបត្តិការរវាងរុស្ស៊ី និងអ៊ីរ៉ង់។ ពួកគេជាបងប្អូននឹងគ្នា»៕

ប្រែសម្រួល៖ ណឺ មិនា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា