ព័ត៌មានអន្ដរជាតិ
លោក ត្រាំ សរសើរ លោក ស៊ី ស្ទើរមិនដាច់ពីមាត់ ប៉ុន្តែ លោក ស៊ី មិនចាប់អារម្មណ៍ និង សរសើរត្រាំ សូម្បី១ម៉ាត់
ក្នុងជំនួបប្រវត្តិសាស្រ្តនៃមេដឹកនាំមហាអំណាចកំពូលផុតលេខ១និងលេខ២ បានធ្វើឲ្យពិភពលោកតាមដានយ៉ាងយកចិត្តទុកដាក់ចំពោះកិច្ចពិភាក្សារបស់ពួកគេ ក្នុងបរិបទដែលពិភពលោកកំពុងស្ថិតក្នុងភាពបែកបាក់ និងការមិនទុកចិត្តគ្នាយ៉ាងខ្លាំង។
ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលកំពុងជាប់ផុងក្នុងសង្គ្រាមជាមួយអ៊ីរ៉ង់ដោយសារការចរចាមិនត្រូវគ្នា និងបានអូសបន្លាយពេលជាង១០សប្តាហ៍ទៅហើយ បានធ្វើដំណើរពីទីក្រុងវ៉ាស៊ីនតោនទៅកាន់ទីក្រុងប៉េកាំង ដើម្បីស្កាត់ទៅជួបប្រធានាធិបតីចិន ស៊ី ជីនពីង ដែលកំពុងកើនឡើងនូវឥទ្ធិពលសកលយ៉ាងខ្លាំងដោយសារតែការប្រកាន់យកនយោបាយសន្តិសហវិជ្ជមាន ពហុភាគីនិយម និង ការមិនជ្រែតជ្រែកកិច្ចការប្រទេសដទៃ។
នៅក្នុងការចាប់ផ្តើមការសន្ទនារវាងមេដឹកនាំទាំងពីរ ដោយអង្គុយពិភាក្សាទល់មុខគ្នា នៅក្នុងជំនួបលើកដំបូងក្នុងរយៈពេល៩ឆ្នាំ ក្នុងក្នុងកាលៈទេសៈដ៏តានតឺងនៃទំនាក់ទំនងពិភពលោក ប្រធានាធិបតីសហរដ្ឋអាមេរិក លោក ដូណាល់ ត្រាំ បានចាប់ផ្តើមដោយការលើកសរសើរម្តងហើយម្តងទៀត ចំពោះបុគ្គលិកលក្ខណៈរបស់ប្រធានាធិបតីចិន ស៊ី ជីនពីង។
យោងតាមវីដេអូដែលចែកចាយលើ បណ្តាញសង្គម លោក ត្រាំ បានហៅ លោក ស៊ី ជីនពីង ថា ជា«មេដឹកនាំដ៏អស្ចារ្យម្នាក់» និង ថែមទាំងបាន អត្ថាធិប្បាយថា ពណ៌នា លោកស៊ី ថា ជាមិត្តរបស់លោក ហើយ លោក កីមានកិត្តិយសដែលបានធ្វើជាមិត្តរបស់លោក ស៊ី។ នៅក្នុងពិធីថ្លែងជាច្រើន លោក ត្រាំ ច្រើនតែប្រើប្រាស់សំនួនវោហាស័ព្ទផ្ទាល់មាត់ជាជាង ការអានតាមខ្លឹមសារដែលបានព្រៀងទុក ដែលមើលទៅ លោក បានបង្ហាញពីអារម្មណ៍ផ្ទាល់ខ្លួនច្រើនក្នុងការចាប់ផ្តើមការសន្ទនា។
ងាកទៅប្រធានាធិបតី ស៊ី ជីនពីងវិញ គឺរាល់ឃ្លាប្រយោគរបស់លោក បានរៀបចំព្រៀងទុកសម្រាប់ការថ្លែងទៅកាន់សមភាគីសហរដ្ឋអាមេរិក។ លោក ស៊ី ដែលនិយាយមិនប្រើប្រាស់អារម្មណ៍មនោសញ្ចេតនា សម្រាប់ទំនាក់ទំនងការទូតកម្រិតកំពូលបែបនេះ បានលើកឡើងច្បាស់ច្បាស់ និង មិនមានលក្ខណៈទំនោរសរសើរបុគ្គលឡើយ។
លោក ស៊ី ជីនពីង បានលើកជាសំណួរត្រង់ទៅកាន់លោក ត្រាំ ថា «ទំនាក់ទំនងចិន-អាមេរិក គឺជាទំនាក់ទំនងទ្វេភាគីដ៏សំខាន់បំផុតរបស់ពិភពលោក។ យើងត្រូវតែធ្វើឱ្យវាដំណើរការ ហើយកុំធ្វើឲ្យវាខូចឡើយ»។ នេះបើតាមការដកស្រង់របស់ Al Jazeera។
នៅក្នុងសំណួរចំៗរបស់ លោក ស៊ី ដែលលោក ត្រាំ ពិបាកនឹងឆ្លើយ គឺថា «តើយើងអាចធ្វើការរួមគ្នាដើម្បីដោះស្រាយបញ្ហាប្រឈមជាសកល និងនាំមកនូវស្ថិរភាពកាន់តែច្រើនដល់ពិភពលោកបានទេ? តើយើងអាចផ្តោតលើសុខុមាលភាពរបស់ប្រជាជនយើង និងអនាគតនៃមនុស្សជាតិ ហើយរួមគ្នាដើម្បីបង្កើតអនាគតដ៏ភ្លឺស្វាងសម្រាប់ទំនាក់ទំនងទ្វេភាគីបានទេ?»។
លោក ស៊ី បានថ្លែងទៅកាន់ ត្រាំ ថា៖«[យើង] បានជួបប្រជុំ និងហៅទូរស័ព្ទច្រើនដង ដែលធ្វើឲ្យទំនាក់ទំនងអាមេរិក-ចិនមានស្ថិរភាពជាទូទៅ»។ លោក ស៊ី ក៏រំលេចដែរថា៖«ថ្ងៃនេះ ខ្ញុំ និងប្រធានាធិបតី ត្រាំ បានផ្លាស់ប្តូរយោបល់គ្នាយ៉ាងស៊ីជម្រៅលើទំនាក់ទំនងចិន-អាមេរិក និងសក្ដានុភាពអន្តរជាតិ និងតំបន់»។
ក្នុងជំនួបនៅថ្ងៃដំបូង ប្រធានាធិបតីនៃប្រទេសមហាអំណាចទាំងពីរ បានពិភាក្សាគ្នាលើប្រធានបទជាច្រើន ទាំងទ្វេភាគី បញ្ហាតំបន់ និងពិភពលោក៕
រ៉ាន់ រើយ
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ