អ៊ីស្រាអែល បន្តទម្លាក់គ្រាប់បែកកម្ទេចរូងក្រោមដី និងសម្លាប់សមាជិកជាន់ខ្ពស់ក្រុមហាម៉ាសជាង ១០០ នាក់

យោធាអ៊ីស្រាអែល បានបន្តការវាយប្រហារតាមអាកាស ទៅលើគោលដៅរបស់ខ្លួន នៅក្នុងតំបន់ហ្គាហ្សាស្ទ្រីប ខណៈដែលអះអាងថា ក៏បានសម្លាប់សមាជិកជាន់ខ្ពស់ នៃក្រុមសកម្មប្រយុទ្ធហាម៉ាសប៉ាឡេស្ទីនដែលគ្រប់គ្រងហ្គាហ្សា ផងដែរ ។

យោធាអ៊ីស្រាអែលបានអះអាងថា ខ្លួនបានសម្លាប់សមាជិកជាន់ខ្ពស់ របស់ក្រុមហាម៉ាស និងក្រុមសកម្មប្រយុទ្ធដទៃទៀត ជាង ១០០ នាក់ ។

ទន្ទឹមនោះ យោធាកាលពីថ្ងៃពុធ ក៏បានធ្វើការវាយប្រហារតាមអាកាស លើផ្លូវរូងក្រោមដី ដែលគេដឹងថាត្រូវបានសាងសង់ដោយក្រុមហាម៉ាស ក៏ដូចជាទីតាំងផ្សេងទៀតផងដែរ ។

បន្ថែមពីនេះ កងទ័ពអ៊ីស្រាអែលដែលបានដាក់ពង្រាយ នៅជិតព្រំដែនជាមួយតំបន់ហ្គាហ្សាស្ទ្រីប នៅតែបន្តបាញ់កាំភ្លើងធំ ឆ្ពោះទៅតំបន់ព័ទ្ធជុំវិញនោះ មិនស្រាកស្រាន្តឡើយ ខណៈក្រុមហាម៉ាស ក៏បានវាយប្រហារតបតទៅ យោធាអ៊ីស្រាអែលវិញផងដែរ ដោយគ្រាប់រ៉ុក្កែត និងកាំភ្លើងត្បាល់ ។

គួរបញ្ជាក់ថា រហូតមកដល់ពេលនេះ ចំនួនអ្នកស្លាប់ត្រូវបានរាយការណ៍ថា មានដល់ ២៥៦ នាក់នៅតំបន់ហ្គាហ្សា ក្នុងនោះកុមារ ៦៩ នាក់ ស្ត្រី ៣៨ នាក់ និងរបួស ១,៦២០ នាក់ ខណៈនៅខាងអ៊ីស្រាអែល មានអ្នកស្លាប់ ១២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ីស្រាអែល បាញ់ទម្លាក់យន្តហោះដ្រូន សង្ស័យជារបស់ប៉ាឡេស្ទីន ក្បែរជ្រលងភ្នំហ្ស៊កដានីនៃតំបន់ West Bank

ចុចអាន ៖ ជម្លោះ ប៉ាឡេស្ទីន-អ៊ីស្រាអែល មិនយូរមិនឆាប់រាលដាលជាសង្គ្រាមសាសនាថ្មី ក្រោយការវាយប្រហារច្រើនឡើងៗលើទីតាំងសក្ការៈបូជានានា