សភារុស្ស៊ីកំពុងពិនិត្យមើលថាតើលោក ពូទីន អាចកាន់អំណាចបានទៀតអត់

កាលពីថ្ងៃអង្គារ សមាជិកសភាបីរូបបានណែនាំសេចក្តីព្រាងច្បាប់មួយដែលនឹងអនុញ្ញាតឲ្យលោកប្រធានាធិបតី វ្ល៉ាឌីមៀរ ពូទីន បន្តកាន់តំណែង២អាណត្តិទៀតដោយមួយអាណត្តិមានរយៈពេល៦ឆ្នាំ។

លោក Pavel Krasheninnikov, លោកស្រី Olga Savastyanova និងលោក Andrey Klishas បានបង្ហាញសេចក្តីព្រាងច្បាប់នេះដល់សភាជាន់ទាប (State Duma) ដើម្បីអនុវត្តការធ្វើវិសោធនកម្មរដ្ឋធម្មនុញ្ញផ្តល់សិទ្ធិឲ្យប្រធានាធិបតីកំពុងកាន់អំណាចរូបនេះឈរឈ្មោះសម្រាប់តំណែងជាប្រមុខរដ្ឋម្តងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីព្រាងច្បាប់នេះក៏បង្ហាញពីការទាមទារថ្មីសម្រាប់បេក្ខជនតែងតាំងប្រធានាធិបតីផងដែរដែលតម្រូវការរួមមាន៖ បេក្ខជនត្រូវតែជាពលរដ្ឋរុស្ស៊ីដែលមានអាយុមិនក្រោម៣៥ឆ្នាំ មានទីលំនៅអចិន្ត្រៃយ៍នៅក្នុងប្រទេសនេះយ៉ាងហោចណាស់២៥ឆ្នាំហើយមិនត្រូវឬធ្លាប់មិនសញ្ជាតិឬទីលំបរទេសទេលើកលែងតែអ្នកដែលមានប្រភពមកពីតំបន់ Crimea ប៉ុណ្ណោះ។

គួរបញ្ជាក់ថា ការបោះឆ្នោតលើការធ្វើវិសោធនកម្មរដ្ឋធម្មនុញ្ញនេះត្រូវបានធ្វើឡើងកាលពីថ្ងៃទី២៥ខែមិថុនាដល់ថ្ងៃទី១ខែកក្កដាដែលមានប្រជាជនរុស្ស៊ី៧៧,៩ភាគរយបានបោះឆ្នោតគាំទ្រនិង២១,២៧ភាគរយជំទាស់៕

ប្រែសម្រួលដោយ៖ Vann Vann

ប្រភព៖ Anadolu