ព័ត៌មានអន្ដរជាតិ
រន្ធត់ ទឹកទន្លេ Ganges ជន់ឡើងធ្វើឲ្យអណ្តែតសពកូវីដរាប់រយនៅឥណ្ឌា
ប្រជាពលរដ្ឋនៅតាមដងទន្លេ Ganges ប្រទេសឥណ្ឌាកំពុងភ័យខ្លាចពីការកើតមានជំងឺ និងបំពុលទឹកនៅពេលរដូវទឹកឡើងចូលមកដល់ប៉ុន្មានសប្តាហ៍នេះបានធ្វើឲ្យសពដែលកប់នៅមាត់ទន្លេបានអណ្តែងតាមទឹក។
ក្រុមគ្រួសារឥណ្ឌានៅភាគខាងជើង និងខាងកើតបានយកសពសាច់ញាតិរបស់ខ្លួនទៅដាក់ក្នុងទឹកទន្លេ ឬបញ្ចុះនៅមាត់ទន្លេ ដោយសារតែគ្មានលទ្ធភាពរៀបចំពិធីបុណ្យសពនៅកំឡុងពេលផ្ទុះកូវីដ-១៩ខ្លាំងពីខែមេសាដល់ខែឧសភា។
ប៉ុន្តែនៅពេលរដូវទឹកឡើងបានធ្វើឲ្យល្បឿនទឹកហូរខ្លាំងដែលមានចម្ងាយប្រមាណ២៥០០គីឡូម៉ែត្រតាមបណ្តោយទន្លេបានធ្វើឲ្យសាកសពដែលបានបញ្ចុះផុសអណ្តែតឡើង។
អាជ្ញាធរនៅទីក្រុង Allahabad ដែលទីក្រុងមួយដែលមានការគោរពសាសនាហិណ្ឌូជាកន្លែងមានប្រជាជនរាប់លាននាក់ទៅមើលការសម្តែងពិធីបុណ្យសពបាននិយាយថា សាកសពប្រហែលជា១៥០បានអណ្តែតតាមទឹកក្នុងរយៈពេល៣សប្តាហ៍កន្លងទៅត្រូវបានស្រងយកទៅបូជា។
ការរៀបចំពិធីបូជាសពនៅតាមមាត់ទន្លេត្រូវបានគេមើលឃើញរៀបចំគំនរឈរជាស្រេចសម្រាប់ចាំសពថ្មី។
មន្ត្រីបានប៉ាន់ស្មានថា សាកសពប្រហែលជា៦០០ត្រូវបានបញ្ចុះនៅមាត់ទន្លេ Ganges កំពុងពេលកូវីដផ្ទុះខ្លាំង។
ប៉ុន្តែអ្នកស្រុកជឿថា នេះគ្រាន់តែចំណែកមួយនៃចំនួនពិតប្រាកដប៉ុណ្ណោះ និងបារម្ភច្រើនទៀតអាចនឹងផុសចេញពីដីខ្សាច់តាមរយៈល្បឿនទឹកហូរក្នុងរយៈពេលប៉ុន្មានសប្តាហ៍ខាងមុខ។
អ្នកបើកទូក Sonu Chandel ដែលធ្វើការបូជាសពតាមទន្លេមានអារម្មណ៍តក់ស្លុតពេលឃើញក្រុមគ្រួសារយកសពសាច់ញាតិខ្លួនទៅបញ្ចុះនៅមាត់ទន្លេកាលពីពីរខែមុន។ ប៉ុន្តែពេលនេះអារម្មណ៍មិនសុខស្រួលបានកើតឡើងជាថ្មីនៅពេលទឹកទន្លេឡើង។
Chandel បាននិយាយថា ៖«ពិតជាក្រៀមក្រំខ្លាំងដែលឃើញពលរដ្ឋក្រីក្របញ្ចុះសពមនុស្សជាទីស្រឡាញ់នៅកន្លែងមិនសមរម្យ ប៉ុន្តែនៅពេលទឹកទន្លេបានឡើងក៏ធ្វើឲ្យស្ថានភាពកាន់តែអាក្រក់ថែមទៀត»។
«ខ្ញុំតែងភ័យខ្លាចបើកទូកបុកសពនៅលើទឹក»។ គាត់បានបន្ថែម។
កន្លែងកាន់សាសនាធំផ្សេងទៀតនៅភាគខាងជើងប្រទេសឥណ្ឌា ដូចជាទីក្រុង Varanasi ក៏កើតមានបញ្ហាបែបនេះដែរ។ អ្នកស្រុកភ័យខ្លាចថា បើមិនយកសពចេញទេ ហានិភ័យកាន់តែអាក្រក់ដែលធ្វើឲ្យបំពុលដល់ទឹកទន្លេក្លាយជាកន្លែងអាក្រក់បំផុតក្នុងពិភពលោក។
បុរសឈ្មោះ Dipin Kumar រស់នៅជិតទន្លេ Ganges បាននិយាយថា ៖«នេះ…អាចបង្កជាជំងឺដ៏គ្រោះថ្នាក់។ រដ្ឋាភិបាលត្រូវតែគិតបញ្ហានេះ ហើយមានតែពួកគេទេដែលអាចដោះស្រាយនេះ»។
ប៉ូលិស និងក្រុមការងារគ្រោះមហន្តរាយរដ្ឋឥឡូវនេះបានយាមល្បាតនៅតាមទឹកទន្លេដើម្បីស្វែងរកសពដែលអណ្តែត។ ពួកគេជិះទូកដើររកសព ហើយពេលខ្លះអ្នករកត្រីបានឃើញ។
ប៉ូលិសនិយាយថា ៖«ទឹកហូរលឿនខ្លាំងដែលធ្វើឲ្យមានការពិបាកស្វែងរកសពដែលអណ្តែតទឹក»៕
អត្ថបទ៖ វីរបុត្រ
ប្រភព៖ AFP
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore