ព័ត៌មានអន្ដរជាតិ
អង់គ្លេសអាចនឹងប្រើប្រាស់វ៉ាក់សាំងកូវីដ ១៩ នៅសប្តាហ៍នេះ
សារព័ត៌មាន Telegraph បានរាយការណ៍កាលពីថ្ងៃអាទិត្យ ទី២២ ខែវិច្ឆិកា ថា ចក្រភពអង់គ្លេសអាចផ្តល់ការយល់ព្រមលើបទប្បញ្ញត្តិចំពោះវ៉ាក់សាំងកូវីដ ១៩ របស់ក្រុមហ៊ុន Pfizer-BioNTech នៅសប្តាហ៍នេះ ទោះជាសហរដ្ឋអាមេរិកមិនទាន់អនុញ្ញាតក៏ដោយ ។
ដោយដកស្រង់ប្រភពរដ្ឋាភិបាលបាននិយាយថា និយតករអង់គ្លេសត្រៀមនឹងវាយតម្លៃវ៉ាក់សាំងជាផ្លូវការដែលផលិតដោយក្រុមហ៊ុនអាមេរិក Pfizer និងក្រុមហ៊ុនអាល្លឺម៉ង់ BioNTech ហើយសេវាសុខភាពជាតិ (NHS) ត្រូវបានគេប្រាប់ឲ្យត្រៀមខ្លួនប្រើប្រាស់វានៅថ្ងៃទី ១ ខែធ្នូ ។
ទន្ទឹមនោះរដ្ឋបាលចំណីអាហារ និងឪសថអាមេរិក (FDA) បាននិយាយកាលពីថ្ងៃសុក្រថា ខ្លួននឹងជួបគ្នានៅថ្ងៃទី ១០ ខែធ្នូ ដើម្បីពិភាក្សាថាតើត្រូវអនុញ្ញាតិឲ្យចាក់វ៉ាក់សាំងនេះឬក៏អត់ ខណៈក្រសួងសុខាភិបាលចក្រភពអង់គ្លេសមិនបានធ្វើអត្ថាធិប្បាយនោះទេកាលពីថ្ងៃអាទិត្យថាតើពេលណាត្រូវចាក់វ៉ាក់សាំងដំបូង ។
អ្នកនាំពាក្យម្នាក់បាននិយាយថា ដំណើរការអនុញ្ញាតិដោយភ្នាក់ងារវេជ្ជសាស្ត្រឱសថ និងផលិតផលសុខភាព (MHRA) គឺឯករាជ្យពីរដ្ឋាភិបាល ហើយនឹងចំណាយពេលពិនិត្យឡើងវិញនូវទិន្នន័យចុងក្រោយពីក្រុមហ៊ុន Pfizer ។
អ្នកនាំពាក្យរូបនេះបានបន្ថែមទៀតថា “ផែនការដ៏ច្រើនសន្ធឹកសន្ធាប់បានកើតឡើងដើម្បីធានាថាសេវាកម្មសុខភាពរបស់យើងបានត្រៀមរួចរាល់ដើម្បីចាក់វ៉ាក់សាំងការពារជំងឺកូវីដ ១៩ ។
អង់គ្លេសបានស្នើសុំជាផ្លូវការនូវនិយតករវេជ្ជសាស្ត្ររបស់ MHRA កាលពីសប្តាហ៍មុនដើម្បីវាយតម្លៃភាពសមស្របនៃវ៉ាក់សាំងរបស់ក្រុមហ៊ុន Pfizer-BioNTech ។
គួរបញ្ជាក់ថា ចក្រភពអង់គ្លេសបានបញ្ជាទិញវ៉ាក់សាំងនេះចំនួន ៤០ លានដូស ហើយរំពឹងថានឹងទទួលបានចំនួន ១០ លានដូសដើម្បីការពារមនុស្ស ៥ លាននាក់នៅដំណាច់ឆ្នាំនេះ ប្រសិនបើនិយតករយល់ព្រម ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ អង់គ្លេសប្រកាសដំណឹងល្អអំពីវ៉ាក់សាំងកូវីដ
ចុចអាន ៖ អង់គ្លេសធ្វើទំនើបកម្មកងកម្លាំងប្រដាប់អាវុធក្នុងទំហំធំបំផុតចាប់តាំងពីសង្គ្រាមត្រជាក់
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore