ព័ត៌មានអន្ដរជាតិ
មនុស្សជាង ១៣០នាក់ ស្លាប់ដោយសារគ្រោះធម្មជាតិ នៅឥណ្ឌា
មនុស្សយ៉ាងតិច ១៣៦ នាក់ បានស្លាប់នៅរដ្ឋ Maharashtra ភាគខាងលិច ប្រទេសឥណ្ឌា បន្ទាប់ពីភ្លៀងធ្លាក់ខ្លាំង បានបង្កឲ្យមានការបាក់ដីនិងជន់លិចតំបន់វាលទំនាប។
មន្ត្រីរដ្ឋាភិបាលបាននិយាយថា មនុស្ស ៣៨ នាក់ ត្រូវបានសម្លាប់នៅតំបន់ Taliye នៅពេលការបាក់ដី បានកប់ភូមិតូចមួយ។
អ្នកតំណាងមកពីនាយកដ្ឋានគ្រប់គ្រងគ្រោះមហន្តរាយនិងស្តារនីតិសម្បទារបស់រដ្ឋ បានប្រាប់ CNN ថា ចំនួនអ្នកស្លាប់ ក៏រាប់បញ្ចូលទាំងមនុស្ស ២៧ នាក់មកពីស្រុក Satara ក្នុងរយៈពេល ៤៨ ម៉ោងចុងក្រោយនេះដែរ។
លោកនិយាយថា គិតត្រឹមថ្ងៃសៅរ៍ មនុស្សជាង ៩០,០០០ នាក់ ត្រូវបានជម្លៀសចេញពីតំបន់ដែលរងផលប៉ះពាល់ ទៅកាន់ទីទួលសុវត្ថិភាពខណៈ ភ្លៀងធ្លាក់ខ្លាំងនៅតែបន្តបំផ្លិចបំផ្លាញ។
កងកម្លាំងឆ្លើយតបគ្រោះមហន្តរាយជាតិ, កងទ័ពឥណ្ឌា, ឆ្មាំឆ្នេរសមុទ្រ, កងទ័ពជើងទឹក, កងទ័ពអាកាសនិងអាជ្ញាធររដ្ឋទាំងអស់ ត្រូវបានដាក់ពង្រាយ ជាផ្នែកមួយនៃកិច្ចខិតខំប្រឹងប្រែងជួយសង្គ្រោះ។
កាលពីថ្ងៃសុក្រ នាយកដ្ឋានឧតុនិយមឥណ្ឌា (IMD) បានចេញការប្រកាសអាសន្នពណ៌ក្រហម សម្រាប់ស្រុកចំនួន ៦ នៃរដ្ឋ Maharashtra ដោយព្យាករណ៍ថា នឹងមានភ្លៀងធ្លាក់ខ្លាំងហើយណែនាំឲ្យមានវិធានការទប់ទល់។
ភ្លៀងមូសុងចាប់ពីខែមិថុនាដល់ខែកញ្ញា តែងតែបណ្តាលឲ្យមានមនុស្សស្លាប់ និងការជម្លៀសទ្រង់ទ្រាយធំ នៅក្នុងប្រទេសអាស៊ីខាងត្បូងមួយនេះ ជារៀងរាល់ឆ្នាំ ប៉ុន្តែវាក៏បានផ្តល់នូវទឹកភ្លៀងដល់ប្រទេសឥណ្ឌាជាង ៧០ភាគរយ និងមានសារៈសំខាន់សម្រាប់កសិករផងដែរ៕
ប្រែសម្រួល៖ សន្យា
ប្រភព៖ CNN
ចុចអាន៖ ច្រើនឡើងៗ ថៃ នៅតែរកឃើញអ្នកឆ្លងកូវីដ ក្នុងកម្រិតបំបែកកំណត់ត្រាថ្មី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»