ច្រើនឡើងៗ ថៃ នៅតែរកឃើញអ្នកឆ្លងកូវីដ ក្នុងកម្រិតបំបែកកំណត់ត្រាថ្មី

ក្រសួងសុខាភិបាល បានរាយការណ៍នៅព្រឹកថ្ងៃអាទិត្យនេះថា ក្នុងរយៈពេល២៤ម៉ោងចុងក្រោយ ប្រទេសថៃ មានអ្នកឆ្លងជំងឺកូវីដ-១៩ ក្នុងចំនួនខ្ពស់បំផុតបំបែកកំណត់ត្រាថ្មី ១៥,៣៣៥ករណី និងស្លាប់ ១២៩នាក់។

ក្នុងចំណោមការឆ្លងថ្មី មាន ១៤,៦៩៤ករណីជាប្រជាជនទូទៅនិង ៦៤១ ករណីជាអ្នកទោសក្នុងពន្ធនាគារ។

ចាប់តាំងពីថ្ងៃទី១ខែមេសាមក នៅពេលកូវីដរលកទី៣ផ្ទុះឡើង មានអ្នកជំងឺកូវីដចំនួន ៤៦៨,៤៣៩នាក់ ក្នុងនោះមាន ៣០៧,២៦៧នាក់បានជាសះស្បើយ។

ចាប់តាំងពីជំងឺរាតត្បាតផ្ទុះឡើងកាលពីដើមឆ្នាំមុនមក មានការឆ្លងសរុប ៤៩៧,៣០២ករណី ក្នុងនោះមាន ៣៣៤,៦៩៣ នាក់ បានជាសះស្បើយ។

ចំណែកចំនួនអ្នកស្លាប់ក្នុងរលកទី៣គឺមាន ៣,៩៦៥ នាក់ ធ្វើឲ្យការស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនដល់ ៤,០៥៩នាក់។

កំណត់ត្រាចាស់ នៃការឆ្លងកូវីដប្រចាំថ្ងៃ ខ្ពស់បំផុតរបស់ថៃ គឺចំនួន ១៤,៥៧៥ករណី កាលពីថ្ងៃសុក្រ៕

ប្រែសម្រួល៖ សន្យា

ប្រភព៖ Bangkok Post

ចុចអាន៖ វៀតណាម ឈានដល់កម្រិតព្រួយបារម្ភ រកឃើញអ្នកឆ្លងថ្មីខ្ពស់បំផុត ជិត ១ម៉ឺនករណី

ចុចអាន៖ ឃើញស្ថានភាពបច្ចុប្បន្នធ្ងន់ធ្ងរទៅៗ គ្រូពេទ្យជំនាញព្យាករណ៍ថា កូវីដនៅ ថៃ នឹងបន្តរាលដាលមួយឆ្នាំ ឬច្រើនឆ្នាំទៀត