ព័ត៌មានអន្ដរជាតិ

ជប៉ុន ឲ្យយុវជនត្រូវទៅចាក់វ៉ាក់សាំងកូវីដដាច់ខាត ក្រោយផ្ទុះរលកឆ្លងថ្មី មិនធ្លាប់មានក្នុងប្រទេស

បានផុស

៤ years មុន

នៅ

ថ្ងៃសុក្រ ៣០ កក្កដា ២០២១

ដោយ

ក្រោយរាយការណ៍កាលពីថ្ងៃព្រហស្បតិ៍ម្សិលមិញនេះថា ប្រទេសជប៉ុន បានរកឃើញអ្នកឆ្លងថ្មីក្នុងរយៈពេល ២៤ ម៉ោងមិនធ្លាប់មាន លើករណីថ្មីជាង ១ម៉ឺនករណី ចាប់តាំងពីវីរុស SARS-CoV-2 បានចាប់ផ្ដើមនៅដើមឆ្នាំ ២០២០ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈនេះដែរ រដ្ឋាភិបាលជប៉ុន ក៏កំពុងញាប់ដៃញាប់ជើង អំពាវនាវឲ្យយុវវ័យនៅក្នុងប្រទេស ត្រូវមកចាក់វ៉ាក់សាំងកូវីដឲ្យបានគ្រប់គ្នាៗផងដែរ។ ដោយសារតែមនុស្សមួយក្រុមនេះ តែងចំណាយពេលក្រៅផ្ទះច្រើនជាងមនុស្សចាស់ ហើយមនុស្សវ័យក្មេងនាពេលថ្មីៗនេះ ក៏បានឆ្លងមេរោគច្រើនជាងក្រុមមនុស្សផ្សេងទៀតដែរ។

លោក Taro Konoរដ្ឋមន្ត្រីក្រសួងកែទម្រង់វ៉ាក់សាំងនិងកំណែទម្រង់បទប្បញ្ញត្តិ បាននិយាយថា អត្រាចាក់វ៉ាក់សាំងរបស់ជប៉ុនគឺ ១ លានដូសក្នុងមួយថ្ងៃ ប៉ុន្តែវានៅតែមិនសំខាន់ដូចការលើកទឹកចិត្តមនុស្សដែលមានអាយុពី ២០ទៅ ៣៩ ឆ្នាំឲ្យមកចាក់វ៉ាក់សាំងឡើយ។

ដោយឡែកកាលពីថ្ងៃពុធ ទិន្នន័យ ២៦,៣% នៃចំនួនប្រជាជនជប៉ុន ដែលបានមកទទួលវ៉ាក់សាំងចំនួនពីរដងប៉ុន្តែ ៧០ ភាគរយ នៃពួកគេ គឺជាអ្នកដែលមានអាយុលើសពី ៦៥ ឆ្នាំប៉ុណ្ណោះ។

ស្របគ្នានេះដែរ ព័ត៌មានពីក្រសួងសុខាភិបាលការងារនិងសុខុមាលភាពរបស់ជប៉ុន បានបង្ហាញពីតួលេខអ្នកឆ្លងក្នុងប្រទេសកើនដល់ ៨៩២,២៩៣ ករណី ស្លាប់ ១៥,១៦០ ករណី និងជាសះស្បើយ ៨២៧,៣៧២ នាក់៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ក្រុមហ៊ុនឱសថមួយរបស់ ជប៉ុន ចាប់ផ្តើមធ្វើតេស្តថ្នាំគ្រាប់ព្យាបាលកូវីដ

ចុចអាន៖ខណៈនេះ ជប៉ុន ជួបព្យុះត្រូពិក និងកំពុងបង្កឲ្យមានការបាក់ដីនៅតំបន់រៀបចំការប្រកួតអូឡាំពិក

Related Topics:ប្រទេសជប៉ុន