ព័ត៌មានអន្ដរជាតិ
ក្រោយផ្ទុះ វីរុសបំប្លែងខ្លួនឥណ្ឌា Delta ច្រើនឡើងៗ ហ្វីលីពីន បើកមជ្ឈមណ្ឌលចាក់វ៉ាក់សាំង ២៤ ម៉ោង
មជ្ឈមណ្ឌលចាក់វ៉ាក់សាំងនៅទូទាំងរដ្ឋធានីម៉ានីលប្រទេសហ្វីលីពីន កំពុងព្យាយាមបង្កើនល្បឿនចាក់វ៉ាក់សាំង រួមទាំងការបើក ២៤ ម៉ោង ដើម្បីជួយប្រយុទ្ធប្រឆាំងនឹងការកើនឡើងយ៉ាងខ្លាំង នៃករណីឆ្លងជំងឺកូវីដ ១៩ ក៏ដូចជាវីរុសបំប្លែងខ្លួនឥណ្ឌា Delta ជាដើម ។
ដោយមានជាង ១០ ភាគរយនៃប្រជាជនចំនួន ១១០ លាននាក់របស់ប្រទេសនេះ បានចាក់វ៉ាក់សាំងពេញ ២ ដូស មនុស្សរាប់លាននាក់នៅតែងាយរងគ្រោះ ដោយសារការឆ្លងមេរោគ ចំពេលមានកិច្ចខិតខំប្រឹងប្រែងក្នុងការចាក់ថ្នាំបង្ការរហូតដល់ ៧០ លាននាក់ មុនដំណាច់ឆ្នាំ ។
ទន្ទឹមនោះ ចលនាធ្វើដំណើរនៅទីក្រុងម៉ានីល ដែលជាទីក្រុងមួយក្នុងចំណោមទីក្រុងចំនួន ១៦ ដែលមានប្រជាជនចំនួន ១៣ លាននាក់ត្រូវបានរឹតត្បិត ដើម្បីព្យាយាមទប់ស្កាត់វីរុសបំប្លែងខ្លួនឥណ្ឌា Delta ។
កាលពីសប្តាហ៍មុន មនុស្សរាប់ពាន់នាក់បានតម្រង់ជួរ នៅខាងក្រៅមជ្ឈមណ្ឌលចាក់វ៉ាក់សាំងនៅទីក្រុងម៉ានីល បន្ទាប់ពីមានពាក្យចចាមអារាមថា មនុស្សនឹងមិនអាចចាកចេញពីផ្ទះរបស់ពួកគេបានទេ ប្រសិនបើពួកគេមិនចាក់វ៉ាក់សាំង ។
ស្របពេលជាមួយគ្នានេះ ប្រទេសហ្វីលីពីនកាលពីថ្ងៃពុធ បានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ១២,០២១ ករណី ហើយវាជាចំនួនករណីប្រចាំថ្ងៃខ្ពស់បំផុត ក្នុងរយៈពេល ៤ ខែ និងមានអ្នកស្លាប់ថ្មី ១៥៤ នាក់ ។
គួរបញ្ជាក់ថា គិតត្រឹមពេលនេះ ប្រទេសហ្វីលីពីនបានកត់ត្រាករណីឆ្លងជំងឺកូវីដ ១៩ ជាង ១.៦៨ លានករណី និងមានអ្នកស្លាប់ជាង ២៩,០០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ