ព័ត៌មានអន្ដរជាតិ
ភ្លៀងធ្លាក់ឥតឈប់នៅកណ្តាលប្រទេសចិន សម្លាប់មនុស្សជាង ២០នាក់
មនុស្សចំនួន២១នាក់ បានស្លាប់ដោយសារភ្លៀងធ្លាក់ខ្លាំង វាយប្រហារខេត្ត Hubei កណ្តាលប្រទេសចិន។ គ្រោះធម្មជាតិនេះ បានកើតឡើងត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីគ្រោះទឹកជំនន់ដែលបានបំផ្លិចបំផ្លាញ និងសម្លាប់មនុស្សរាប់រយនាក់នៅក្នុងខេត្តមួយ ជាប់នេះ។
ប្រទេសចិន ត្រូវបានវាយប្រហារដោយភ្លៀងធ្លាក់ដែលមិនធ្លាប់មានពីមុនមក ក្នុងរយៈពេលប៉ុន្មានខែចុងក្រោយនេះ។ ទោះបីជាយ៉ាងណាក៏ដោយ អ្នកជំនាញនិយាយថា វាជារឿងធម្មតាទៅហើយដោយសារតែការឡើងកម្តៅផែនដី។
ការិយាល័យគ្រប់គ្រងគ្រាអាសន្នរបស់ខេត្ត បាននិយាយថា នៅខេត្ត Hubei ភ្លៀងធ្លាក់ខ្លាំងបានបណ្តាលឲ្យមានការដាច់ចរន្តអគ្គិសនី និងការរអិលបាក់ដី បំផ្លាញផ្ទះរាប់រយខ្នងនិងបង្ខំឲ្យមានការជម្លៀសមនុស្សជិត ៦,០០០ នាក់។
Xinhua បានរាយការណ៍នៅថ្ងៃសុក្រនេះថា មនុស្សចំនួន ២១ នាក់បានស្លាប់និង ៤ នាក់ផ្សេងទៀតកំពុងបាត់ខ្លួន ខណៈភ្លៀងធ្លាក់ខ្លាំងបានវាយប្រហារក្រុងនានាតាំងពីថ្ងៃពុធមក។
អ្នកស្រុកម្នាក់មកពីតំបន់ដែលរងផលប៉ះពាល់ធ្ងន់ធ្ងរបំផុតនៅក្នុងទីក្រុង Suizhou បានប្រាប់ប្រព័ន្ធផ្សព្វផ្សាយក្នុងស្រុកថា “កាលពីម្សិលមិញ កម្រិតទឹកបានកើនឡើងប្រហែល ២ ទៅ ៣ ម៉ែត្រ។ ផ្ទះអ្នកជិតខាងរបស់ខ្ញុំត្រូវបានបំផ្លាញទាំងស្រុង។ យើងមិនដែលឃើញភ្លៀងខ្លាំងបែបនេះទេក្នុងរយៈពេល ២០ ឬ ៣០ ឆ្នាំមកនេះ”។
ក្រសួងគ្រប់គ្រងគ្រាអាសន្នចិនបាននិយាយថា អ្នកពន្លត់អគ្គិភ័យរាប់រយនាក់ ព្រមទាំងប៉ូលិសនិងយោធារាប់ពាន់នាក់ ត្រូវបានបញ្ជូនទៅកាន់តំបន់ដែលរងផលប៉ះពាល់ធ្ងន់ធ្ងរបំផុត។
រដ្ឋបាលឧតុនិយមរបស់ចិនបានព្រមានថា ភ្លៀងធ្លាក់ខ្លាំងទំនងជាបន្តរហូតដល់សប្តាហ៍ក្រោយ ហើយតំបន់នៅតាមដងទន្លេ Yangtze រួមទាំងទីក្រុងសៀងហៃផងដែរ គឺងាយរងគ្រោះដោយសារទឹកជំនន់៕
ប្រែសម្រួល៖ Vann Vann
ប្រភព៖ CNA
ចុចអាន៖ កំពង់ផែដ៏ ធំរបស់ចិនមានអ្នកឆ្លង Delta ធ្វើឲ្យបារម្ភខ្វះទំនិញ ទូទាំង ពិភព លោក
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)