ថៃ នឹងមានភ្លៀងធ្លាក់ខ្លាំងពេញមួយសប្តាហ៍ ខណៈ ខេត្តជាច្រើន ប្រឈមទឹកជំនន់

ទីភ្នាក់ងាររដ្ឋាភិបាលថៃ បានព្រមានកាលពីថ្ងៃអាទិត្យទី១ខែតុលាថា ភ្លៀងធ្លាក់ខ្លាំង នឹងកើតឡើងទូទាំងប្រទេស ហើយកម្រិតទឹកនៅតាមដងទន្លេ ស្ទឹង បឹងបួរ នឹងកើនឡើងពេញមួយសប្តាហ៍ដំបូងនៃខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមនាយកដ្ឋានឧតុនិយមថៃ, ភ្លៀងធ្លាក់ខ្លាំងនឹងគ្របដណ្តប់ផ្នែកខ្លះនៃភាគខាងជើង ឦសាន និងភាគខាងត្បូងនៅដើមសប្តាហ៍ ខណៈតំបន់ខ្លះនឹងរងឥទ្ធិពលដល់ចុងសប្តាហ៍។

ស្របពេលជាមួយគ្នានោះ នាយកដ្ឋានបង្ការ និងកាត់បន្ថយគ្រោះមហន្តរាយ បានព្រមានប្រជាពលរដ្ឋដែលរស់នៅក្បែរផ្លូវទឹក ក្នុងខេត្តចំនួន១១ នៃអាងទន្លេចៅប្រាយ៉ា ឲ្យប្រុងប្រយ័ត្នផងដែរ។

កាល​ពី​ថ្ងៃ​អាទិត្យ ទឹក​ទន្លេ Yom បាន​ឡើងហូរ​កាត់​ផ្លូវ ​ចូល​ក្នុង​ស្រុក Muang នៃ​ខេត្ត Sukhothai ភាគ​ខាង​ជើង ដោយ​​ប៉ះពាល់​ដល់​គ្រួសារ​ប្រហែល ១៣០០ និង​ដី​ស្រែ​ចម្ការ ២៤០០ រ៉ៃ។

ដោយឡែក នាយកដ្ឋានផ្លូវហាយវេបានរាយការណ៍ថា ផ្លូវហាយវេចំនួន៤ ខ្សែគឺបានមិនអាចឆ្លងកាត់បានទេ នៅក្នុងខេត្តភាគខាងជើងខេត្ត Lampang, Lamphun និង Sukhothai ដោយសារតែទឹកជំនន់ និងការរអិលបាក់ដីកាលពីថ្ងៃអាទិត្យ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ទឹកជំនន់ វាយប្រហារទូទាំងទ្វីបអាស៊ី សម្លាប់មនុស្សរាប់រយនាក់