កំពង់ផែដ៏​ធំរបស់ចិនមានអ្នកឆ្លង Delta ធ្វើឲ្យបារម្ភខ្វះទំនិញ​ទូទាំង​ពិភព​លោក
Connect with us
Helistar Cambodia - Helicopter Charter Services

សេដ្ឋកិច្ច

កំពង់ផែដ៏​ធំរបស់ចិនមានអ្នកឆ្លង Delta ធ្វើឲ្យបារម្ភខ្វះទំនិញ​ទូទាំង​ពិភព​លោក

បានផុស

នៅ

ការ​បិទ​ផ្នែក​ខ្លះ​នៃ​កំពង់​ផែ​ដឹក​ជញ្ជូន​ដ៏​ធំ​បំផុត​មួយ​របស់​ប្រទេស​ចិន​ដោយ​សារ​ការ​ផ្ទុះ​កូវីដ-១៩​បាន​បង្កើន​ជា​កង្វល់​ថ្មី​អំពី​ផល​ប៉ះ​ពាល់​ដល់​​ពាណិជ្ជកម្ម​ជា​សកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ថ្ងៃ​ពុធ សេវាកម្ម​ជា​ច្រើន​ត្រូវ​បាន​បិទ​នៅ​កំពង់​ផែ Ningbo-Zhoushan បន្ទាប់​ពី​បុគ្គលិក​ម្នាក់​បាន​ឆ្លង​កូវីដ-១៩​ប្រភេទ​វីរុស​បំប្លែង​ខ្លួន Delta។

កំពង់ផែ​សំខាន់ Ningbo-Zhoushan នៅ​ភាគ​កើត​ប្រទេស​ចិន​គឺ​ជា​កំពង់​ផែ​ធំ​បំផុត និង​មមាញឹក​ខ្លាំង​លំដាប់​ទី​៣​នៅ​ក្នុង​ពិភព​លោក។ ការ​បិទ​បាន​គំរាមកំហែង​ដល់​រអាក់​រអួល​បន្ថែម​ទៀត​លើ​ការ​សង្វាក់​ផ្គត់​ផ្គង់​នៃ​ទំនិញ​សម្រាប់​រដូវ​បុណ្យ​ណូអែល​ដ៏​សំខាន់​ខាង​មុខ។

ការ​បិទ​ស្ថានីយ៍​នៅ​លើ​កោះ Meishan រហូត​ដល់​មាន​ការ​ជូន​ដំណឹង​បន្ថែម​​នឹង​កាត់​បន្ថយ​សមត្ថភាព​របស់​កំពង់​ផែ​សម្រាប់​ការ​ដឹក​ជញ្ជូន​ទំនិញ​ប្រហែល​ជា​មួយ​ភាគ​បួន។

យោងតាម​សន្ទទស្សន៍​ដឹក​ជញ្ជូន​សកល Freightos Baltic បង្ហាញ​ថា វា​បាន​កើត​ឡើង​ស្រប​​ពេល​ទៅ​នឹង​​តម្លៃ​​ដើមនៃ​ការ​ដឹក​ជញ្ជូន​ពី​ប្រទេស​ចិន និង​អាស៊ីអាគ្នេយ៍​ទៅ​កាន់​ឆ្នេរ​ខាង​កើត​នៃ​សហរដ្ឋ​អាមេរិកបាន​កើន​ឡើង​ខ្ពស់​ដល់​កំណត់​ត្រា​មួយ។

លោក Jason Chiang មក​ពី​ក្រុម​ហ៊ុន​ប្រឹក្សា​ដឹក​ជញ្ជូន​តាម​សមុទ្រ(Ocean Shipping Consultants)បាន​ឲ្យ​ដឹង​ថា ឧស្សាហកម្ម​ដឹក​ជញ្ជូន​សកល​ទំនង​ជា​មាន​ផល​ប៉ះ​ពាល់​​ពី​កូវីដ-១៩​សម្រាប់​រយៈ​ពេល​ពេល​ជា​ច្រើន​ខែ​ខាង​មុខ។

លោកថា ៖«ខ្ញុំ​មិន​សង្ឃឹម​នឹង ​ឃើញ​មាន​សមត្ថភាព​ដឹក​ជញ្ជូន​ថ្មី​ទេ​នៅ​​​ពីរ​ឆ្នាំខាង​មុខ។ ដូច្នេះ​​អ្វី​គ្រប់​យ៉ាង​រវាង​ឥឡូវ​នេះ និង​ពីរ​ឆ្នាំ​ទៀត​​គឺ​អាស្រ័យ​លើ​​ថា​តើ​កូវីដ-១៩​វិវត្ត​បែប​ណា»។

Ningbo-Zhoushan ជា​កំពង់​ផែ​ធំ​បំផុត​​លំ​ដាប់​ទី​៣​នៅ​ក្នុង​ពិភព​លោក បន្ទាប់​ពី​កំពង់​ផែ​ធំ​បំផុត​ទី​១​នៅ​ទី​ក្រុង​សៀងហៃ និង​ទី​២​នៅ​ប្រទេស​សិង្ហបុរី។ ប្រសិន​បើ​ការ​បិទ​នៅ​តែបន្ត​រយៈ​ពេល​វែង​ នោះ​នឹង​ប៉ះ​ពាល់​យ៉ាង​ខ្លាំង​ដល់​សេដ្ឋកិច្ច​ពិភព​លោក៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម១ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ១ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍២ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services