ព័ត៌មានអន្ដរជាតិ
ឥណ្ឌាត្រៀមទទួលព្យុះស៊ីក្លូន បន្ទាប់ពីមានភ្លៀងធ្លាក់ខ្លាំង
ភ្លៀងធ្លាក់ខ្លាំងបាននិងកំពុងបោកបក់នៅរដ្ឋ Tamil Nadu ភាគខាងត្បូងនៃប្រទេសឥណ្ឌា ខណៈប្រទេសនេះក៏កំពុងត្រៀមទទួលព្យុះស៊ីក្លូន Nivar ផងដែរ ។
ក្រុមមន្រ្តីបាននិយាយថា ភ្លៀងធ្លាក់ខ្លាំងត្រូវបានគេរំពឹងថានឹងធ្វើឲ្យមានការបាក់ដីនៅលើឆ្នេរភាគអាគ្នេយ៍ភ្លាមៗនៅពេលអធ្រាត្រ បន្ទាប់មកបង្កជាព្យុះស៊ីក្លូនដ៏ខ្លាំងក្លា ។
ទន្ទឹមនោះភ្លៀងធ្លាក់ក៏បណ្ដាលឲ្យដួលរលំដើមឈើ និងទឹកជំនន់ផងដែរដោយភាគច្រើនកើតឡើងនៅរដ្ឋធានី Chennai ។ មនុស្សរាប់ពាន់នាក់ត្រូវបានគេស្នើសុំឲ្យចាកចេញពីផ្ទះរបស់ពួកគេ ហើយផ្លាស់ទៅមជ្ឈមណ្ឌលផ្តល់ជំនួយនៅក្នុងរដ្ឋភាគអាគ្នេយ៍មួយនេះ ។
នាយកដ្ឋានឧតុនិយមឥណ្ឌា (IMD) បាននិយាយថា ព្យុះស៊ីក្លូនត្រូវបានគេរំពឹងថានឹងនាំមកនូវកម្លាំងខ្យល់បក់រហូតដល់ ១៤៥ គីឡូម៉ែត្រក្នុងមួយម៉ោង ។
បន្ថែមពីនេះទូកនេសាទទាំងអស់ក៏ត្រូវបានគេណែនាំឲ្យត្រឡប់ទៅកំពង់ផែវិញផងដែរ ខណៈក្រុមឆ្លើយតបនឹងគ្រោះមហន្តរាយចំនួន ៣០ ត្រូវបានដាក់ពង្រាយពាសពេញរដ្ឋ Tamil Nadu រដ្ឋ Andhra Pradesh និងទឹកដីនៃកោះ Pondicherry ជាដើម ។
ស្របពេលជាមួយគ្នានេះឆ្មាំឆ្នេរសមុទ្របានដាក់ពង្រាយរថយន្តល្បាតនៅឯនាយសមុទ្រ ក៏ដូចជាឧទ្ធម្ភាគចក្រ និងយន្តហោះសម្រាប់ជំនួយ និងការឃ្លាំមើល ។
នៅរដ្ឋ Tamil Nadu រដ្ឋាភិបាលរដ្ឋបានប្រកាសថ្ងៃឈប់សម្រាកសាធារណៈ និងណែនាំប្រជាជនឲ្យស្នាក់នៅក្នុងផ្ទះ ខណៈសេវាឡានក្រុង រថភ្លើង និងជើងហោះហើរត្រូវបានផ្អាក ៕
ប្រែសម្រួលដោយ ៖ ជីវ័ន្ត
ប្រភព ៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត